No menu items!
HomeХоол, шим тэжээлӨсвөр насныханд тохиромжтой хөнгөн зуушнууд

Өсвөр насныханд тохиромжтой хөнгөн зуушнууд

-

Өсч торниж буй өсвөр насныхны бие мах бод болон оюуны хөгжилд шим тэжээлээр баялаг, зөв зохистой хооллолт маш чухал.  

Өсвөр насныхны бие мах бодийн хөгжилд макроэлементүүд (өөх тос, уураг, нүүрс ус) болон микроэлементүүд (амин дэм, эрдэс бодис) аль алиных нь тэнцвэртэй хэрэглээ чухал. Дараах хөнгөн зуушнууд нь хэрэгтэй шим тэжээлээр баялаг.

Кэшью, бүйлс, интоор, хар шоколадтай жимсний холимог

Энэхүү жимсний холимог нь бэлтгэхэд хялбар бөгөөд эрүүл зууш юм. Эдгээр орцууд нь өсвөр насныхны эрүүл мэндэд зайлшгүй хэрэгцээтэй амин дэм, эрдэс бодис, антиоксидантаар баялаг. Эдгээрийг том саванд хийж холин өрөөний температурт хадгалан хүссэн цагтаа идээрэй.

Бүйлс нь уураг, магни, Е витамин, эслэг, кешью нь уураг, антиоксидант, хатаасан интоор нь кали, витамин С, В, хар шоколад нь флаванол, төмөр, зэс, магни, цайраар баялаг.

Мозарелла ба помидортой шорлог

Хоол хүнснээсээ хангалттай хэмжээний кальци авч байх нь чухал хэдий ч өсвөр насныхан ялангуяа, охид кальциа хангалттай хэмжээгээр авч чадахгүй байх нь элбэг аж. Мозарелла ба шүүслэг улаан лоолийн шорлог нь зөвхөн кальци төдийгүй эрүүл өөх тос, уураг, ликопин ихээр агуулдаг.

Уургийн агууламж өндөртэй хөнгөн зууш

Уураг ихтэй хөнгөн зууш нь цатгалан мэдрэмж төрүүлдэг тул хэт их идэхээс сэргийлнэ. Энэхүү шим тэжээл нь булчин хөгжүүлэх тустай тул биеийн тамир спортоор хичээллэдэг хүүхдүүдэд илүү их хэрэглэх шаардлагатай. Зарим судалгаагаар өсвөр насныхны уургийн хэрэгцээ насанд хүрэгчдийнхээс 20-60% илүү байдаг гэжээ.

Өндөг

Өндөг нь уургийн маш сайн эх үүсвэр төдийгүй эрүүл өөх тос, олон төрлийн амин дэм, эрдэс бодис, антиоксидантаар баялаг тул өсвөр насныхны уургийн хэрэглээг хангах тохиромжтой арга юм.

Гэхдээ дан ганц чанасан өндөг биш дараах аргыг туршаад үзээрэй.

Эхлээд өндөгөө чанаж болгоно. Дундуур нь хуваагаад шарыг нь ухаж авна. Өндөгний шарыг грек тараг, гич, наргил модны самарын хүчил, хатаасан сармис /нунтаг/,  давс, перецээр амтлан холигчинд хийгээд өндөгнийхөө цагаан дээр халбагаар тавиарай.

Жимс, самар, чиа үртэй грек тарагтай парфе

Шинэхэн жимс, жижиглэсэн самар, чиа үртай тарган парфет хийж үзээрэй. Энэ нь амттай төдийгүй  уургаар баялаг. Грек тараг нь 6 унц (170 грамм) тутамдаа 15 грамм уураг агуулдаг байна.

Самрын тос, гадил жимстэй сэндвич

Бүхэл үрийн талхан дээр бүйлс, газрын самар эсвэл кешьюны тос түрхээд гадил жимс тавина. Бага зэрэг зөгийн бал нэмж болно.

Хийхэд хялбар гадил, овъёостой маффин

Ихэнх маффинуудад цэвэршүүлсэн үр тариа, элсэн чихэр ихээр агуулдаг тул хязгаарлах нь зүйтэй. Гэхдээ энэхүү жор нь гадил, овъёос, грек тараг зэрэг орцуудаас бүрддэг тул эрүүл сонголт юм.

Орц:

2 аяга овъёос

2 дунд зэргийн боловсорсон гадил жимс

6 унци /170 гр/ сүү эсвэл байгалийн тараг

1/3 аяга агч модны сироп

2 өндөг

1 халбага ванилийн ханд

1 халбага синамон

1 халбага сода

1/4 аяга шоколад , заавал биш

Бүх орцуудаа холигчинд хийж бэлдэнэ. Зуухаа 375 хэм хүртэл халаагаад 20-25 минут жигнэхэд бэлэн болно.

Бяслаг, алим, усан үзмийн шорлог

Дөрвөлжилж хэрчсэн бяслаг, улаан эсвэл ногоон усан үзэм , алим ашиглан шорлог хийгээрэй. Энэ нь тэжээллэг чанар сайтай бөгөөд бэлтгэхэд тун хялбар.

Шоколад интоорын смүүти

Энэхүү смүүтиг гэрийн бяслаг гэх мэт эрүүл орц найрлагаар баяжуулж сахарын оронд жимсээр амт оруулах боломжтой.

1 аяга интоор

1 аяга гэрийн бяслаг

1 гадил жимс

⅓ аяга шоколадны амттай уураг

2 хоолны халбагын какао нунтаг

2 хоолны халбага маалингын үр

1 халбага ваниллин

Орцуудаа хоилгчинд хийгээд бэлэн болно. Хүссэн хэмжээгээрээ мөс хийж болно.

шинэ мэдээ

ХОМ: Үндэсний эвслийн жагсаалтыг тэргүүлэгч Н.Номтойбаяр ₮1.5 тэрбумын барилга байгууламжтай

Нэр дэвшигчдийн хөрөнгө орлогын мэдүүлгийн хураангуйг АТГ-аас өнөөдөр танилцуулав. УИХ-ын 2024 оны ээлжит сонгуульд хоёр эвсэл байгаагийн нэг нь Үндэсний эвсэл юм. Тус эвслийн жагсаалтаар нэр...

ХОМ: Х.Баттулга 267 сая төгрөгийн орлоготой

УИХ-ын 2024 оны ээлжит сонгуульд нэр дэвшигчдийн хөрөнгө орлогын мэдүүлгийн хураангуйг АТГ-аас танилцуулав. Ерөнхийлөгч асан Х.Баттулга 2024 оны УИХ-ын сонгуулийн 4-р тойрогт нэр дэвшиж буй....

ХОМ: Ерөнхий сайд Л.Оюун-Эрдэнийн жилийн орлого 244 сая төгрөг

АТГ-аас УИХ-ын сонгуульд нэр дэвшигчдийн хөрөнгө орлогын мэдүүлгийг олон нийтэд нээллтэй тавьжээ. Монгол Улсын Ерөнхий сайд, МАН-ын дарга Л.Оюун-Эрдэнэ УИХ-д гурав дахь удаагаа нэр дэвшиж...

ХОМ: Хөрөнгийн хэмжээгээр эхний аравт бичигдэж буй нэр дэвшигчид

Хуулийн дагуу УИХ-ын сонгуульд нэр дэвшигчид хөрөнгө орлогоо АТГ-т мэдүүлдэг. Тус газраас УИХ-ын 2024 оны сонгуульд нэр дэвшигчдийн хөрөнгө орлогыг нийтэд ил болгожээ.Үүнээс хөрөнгийн хэмжээгээр...

трэнд