Урьдчилан сэргийлэх, эрт илрүүлэх үзлэг, оношилгоо, шинжилгээний ерөнхий мэдээлэл болон аймаг, нийслэлийн хэмжээнд эрт илрүүлэг хийж буй эрүүл мэндийн байгууллагуудын жагсаалтыг танилцуулж байна.
ЭРТ ИЛРҮҮЛЭГТ ХЭН ХАМРАГДАХ ВЭ?
Эрүүл мэндийн даатгалаа 2019 оноос хойш бүрэн төлсөн даатгуулагч та урьдчилан сэргийлэх, эрт илрүүлгийн багцад багтсан бүх үзлэг, оношилгоо, шинжилгээнд 2 жилд 1 удаа хамрагдах боломжтой.
ЭРТ ИЛРҮҮЛЭГТ ХЭРХЭН ХАМРАГДАХ ВЭ?
Өрх,Сум,Тосгоны эрүүл мэндийн төвөөс эрт илрүүлэгт хамрагдах эрүүл мэндийн байгууллагын жагсаалт болон хаана, хэзээ, хэрхэн хамрагдах, түүний зохион байгуулалтын талаар мэдээлэл, зөвлөгөөг аваарай.
ӨРХ,СУМ,ТОСГОНЫ ЭРҮҮЛ МЭНДИЙН ТӨВ НЬ:
Эрт илрүүлгийн товлолын талаарх мэдээллийг сурталчлах, түгээх, эрт илрүүлгийн багцад хамрагдахыг урьсан цаасан болон цахим урилгыг/эсхүл утсаар мэдэгдэх/ даатгуулагчид хүргүүлэх, дуудах-эргэн дуудах үүрэгтэй.
Та өөрийн насны багцын дагуу эрт илрүүлэгт хамрагдсанаар тухайн өвчнийг эрт үед нь илрүүлж, оношилж, эрүүл мэндээ ноцтой эрсдэлд орохоос хамгаалж, өвчлөл хүндрэхээс сэргийлж чадна.
