Өнөө үед гоо сайхандаа анхаарал тавьдаггүй эмэгтэйчүүд байтугай эрчүүд ч ховорхон болсон. Бид үргэлж гэрэлтсэн толигор арьстай байхын тулд таарсан болгоноо хэрэглээд байж болохгүй. Тиймээс та бүхэнд таны арьсыг гэмтээх магадлал бүхий арьс арчилгааны долоон бүтээгдэхүүнийг танилцуулж байна.
1. Ширхэгтэй гуужуулагч
Тогтмол гуужуулах нь (өдөр бүр эсвэл долоо хоногт) таны арьсыг гэмтээж болзошгүй. Ширхэгтэй скраб нь арьсны гадаргууг цочроож, гэмтээдэг. Үүгээр ч зогсохгүй ширхэгтэй скраб хэрэглэсний дараа арьсны илүүдэл тос арилсан юм шиг санагдах боловч арьснаас илүү их тос ялгарах үндэс болдог ажээ.
2. Батганы эсрэг бүтээгдэхүүн
Батганы эсрэг зарим бүтээгдэхүүн нь таны арьсыг хуурайшуулж, цочроох мэдрэмж төрүүлдэг. Шинж тэмдгүүд нь ихэвчлэн түр зуурынх байдаг ч таны арьс загатнаж, түлэгдэх эрсдэлтэй. Мөн батганы зарим эм нь илүү ноцтой гаж нөлөө үзүүлдэг. Жишээлбэл, антибиотик нь гэдэс хямрааж, толгой эргэхэд хүргэнэ.
3. Гуаша
Гуаша чулуугаар арьсандаа массаж хийх нь цусны эргэлтийг сайжруулах, хүзүүний өвдөлтийг бууруулах гэх мэт олон давуу талтай. Гэхдээ энэ нь массажны багажийг зөв ашиглахгүй бол арьсны гадаргуутай ойролцоох жижиг судаснууд хагарахад хүргэдэг. Үүний үр дүнд нүүр хөхөрч, бага зэрэг цус гардаг байна.
4. Арьс гуужуулагч хуурай сойз
Хуурай сойз нь арьсыг гуужуулах үйлчилгээтэй боловч энэ нь хүн бүрт тохирохгүй. Энэ нь мэдрэмтгий арьсыг цочроох эсвэл хэт хуурайшихад хүргэдэг. Хүмүүс экзем, хайрст үлд гардаг арьсны үрэвсэлтэй хүмүүс үүнээс зайлсхийх хэрэгтэй.
5. Алкохол агуулсан хөвөн
Алкохол агуулсан хөвөнгөөр нүүрээ арчсаны дараа илүү цэвэрхэн болсон мэт мэдрэмж төрдөг. Гэвч бодит байдал дээр энэ нь таны арьсны хамгийн их хэрэгцээтэй тосыг арилгаж, sebum ялгаруулалтыг өдөөж, улмаар батга гарах үндсийг бий болгодог ажээ.
6. Химийн гаралтай гуужуулагч
Хэрэв та долоо хоногт нэгээс олон удаа химийн гаралтай гуужуулагч хэрэглэвэл нь арьсаа аюулд оруулж буй хэрэг юм. Химийн найрлагатай гуужуулагч нь арьсны олон давхаргыг гэмтээж, улайлт үүсгэж, цочроодог байна.
7. Хар батганы маск
Хар батга хуулагч нь арьсны өнгөн хэсэгт байгаа хар батгыг хуулахаас гадна нүхжилтийг нь давхар цэвэрлэдэг гэдгээрээ онцлогтой. Гэвч уг бүтээгдэхүүнийг ойрхон, давтамжтай хэрэглэснээр арьсны нүхжилт өмнө нь байснаасаа илүү томорч, ус тосны тэнцвэр нь алдагдах сул талтай. Тиймээс энэхүү бүтээгдэхүүнийг хэрэглэсний дараа арьсны нүх агшаагч болон чийгшүүлэгч хэрэглэхийг зөвлөж байна.
Эх сурвалж: brightside
