Хоолны дэглэм барьж байгаа хэдий ч хэвлий хэсгээрээ таргалаад байна уу? Тэгвэл дараах энгийн боловч үр дүнтэй дасгалуудыг хийж эхлээрэй. Пилатес дасгалын систем нь нурууны өвдөлтийг эмчлэх зорилготой бөгөөд үүнээс гадна булчингуудыг хөгжүүлж, бодисын солилцоог идэвхжүүлдэг. Дараах дасгалыг хатуу гадаргуу дээр тэр ч байтугай буйдан дээрээ ч хийх боломжтой.
“Plié“
Гараа дэрлэн хажуу тийшээ харж хэвтэнэ. Нөгөө гараа цээжнийхээ урд байрлуулна. Өвдгөө бага зэрэг нугалсан байна. Хөлөө шагайгаар нь нийлүүлэн өвдгөөрөө хөдөлнө.
Давталт: Нэг талдаа 15-20 давталт хийнэ.
Үр нөлөө: Хэвлийн булчин
Хажуу хэсгийн суналт
Хажуу тийшээ харж хэвтээд тохойгоороо тулан цээжээрээ дээш өндийнө. Эсрэг талын гараараа ташаагаа тулна. Ташаа хэсгээрээ доош хөдөлнө. Нуруугаа шулуун байлгахыг хичээгээрэй.
Давталт: нэг талдаа 12-15 удаа
Үр нөлөө: Гэдэс болон хэвлийн хажуугийн булчин
“Балетчин”
Нэг гарынхаа тохойгоороо тулаарай. Хөлөө эгц жийнэ. Эсрэг талын гараа дээш өргөнө. Цээжээрээ тонгойж өргөсөн гараа эсрэг талынхаа суган доогуур зөрүүлнэ.
Давталт: нэг талдаа 12 удаа
Үр нөлөө: Гэдэс ба хэвлийн хажуугийн булчингууд ажиллаж гоолиг бэлхүүстэй болно
“Чавхдас”
Эхлээд дөрвөн хөллөнө. Хөлөө арагш жийн булчингаа идэвхжүүлэн 2-3 секундын турш энэ байрлалаа барь. Эргээд хэвийн байрлалдаа буцна.
Давталт: 15-20 удаа давтана
Үр нөлөө: Гэдэс, өгзөгний булчин ажиллана
“Эргэлдэх”
Суугаад өвдгөө нугална. Тахимнаасаа барьж цээжээ өвдгөндөө ойртуулан, энэ байрлалаараа хойш урагш хөдлөөрэй.
Давталт: 10-15 удаа
Үр нөлөө: Нурууны булчинг ажиллуулж, хэвлийн булчинг чангална.
Эх сурвалж: Brightside
