No menu items!
HomeОнцлох"Гар хүрэх" хүүхдийн сэтгэлзүйд сөргөөр нөлөөлдөг

“Гар хүрэх” хүүхдийн сэтгэлзүйд сөргөөр нөлөөлдөг

-

Бие махбодийн шийтгэл нь хүүхдийн бие болоод оюун санаанд маш их хор хөнөөл учруулдаг гэдгийг хүүхдийн эмч, сэтгэл зүйч нар баталж байна. 25 жилийн өмнө хийсэн судалгаагаар эцэг эхчүүдийн 80% нь хүүхдэдээ гар хүрдэг байсан бол одоо 67% нь болсон гэсэн дүн гарчээ. Хэдийгээр тоо нь цөөрсөн ч бие махбодийн шийтгэл байгаа гэдгийг харуулж байгаа юм.

Хүмүүс буруугаа мэддэггүй

Бие махбодийн шийтгэл нь маш олон төрөл байдаг. Идэх дургүй хоолыг нь хүчээр идүүлэх, хийх дургүй зүйлийг нь хүчээр хийлгэх, амаа угаа, гараа угаа гэх мэт албадлагаар хийлгэж буй бүхэн багтдаг гэдгийг тэр бүр хүн мэддэггүй.

Мөн бие махбодийн бус хэлбэрийнх гэж байдаг. Аашилж, загнах, доромжилж, заналхийлэх, орилж хашгирах нь бие махбодийн бус гэдэгт багтах бөгөөд энэ нь хүүхдийг ил гэмтээж бэртээдэггүй ч сэтгэл санааны хувьд маш хүндээр нөлөөлж байдаг гэдгийг та мэдэх үү? 13 нас хүрэхээсээ өмнө байнга ийм төрлийн хандлагад өртдөг байсан хүүхэд сэтгэл гутралтай болсон байдгийг судлаачид тогтоосон байна.

Бие махбодийн шийтгэл нь хүч хэрэглэхийн хамгийн түгээмэл хэлбэр юм

Нэгдүгээрт энэ нь хүүхдийн эрхийг зөрчиж байгаа хэрэг бөгөөд биед нь шууд гэмтэл учруулдаг. Хэдийгээр хөнгөн хэлбэрийн шийтгэлүүд элбэг байдаг  ч ууртай эцэг эхчүүд дараа дараагийн удаад хүүхдийг хүндээр гэмтээх нь олон тохиолддог. Хүүхдэдээ гар хүрч шийтгэхдээ тэдний сэтгэцийн эрүүл мэндийг давхар сүйтгэж байдаг гэдгээ анзаардаггүй нь харамсалтай.

Бага насандаа ийм халдлагад өртдөг байсан хүүхдүүд том болоод түрэмгий зантай, өөрсдөө зан үйлийн доголдолтой болох нь цөөнгүй байдгийг судалгаагаар тогтоожээ. Хүүхдүүдийн 54% нь бие махбодийн ямар нэг байдлын хандлагад өртсөөр л байгаа гэсэн судалгаа гарсан бөгөөд тэдний оюун сэтгэхүй ч гэмтсээр л байгаа гэсэн үг. Үүний хор уршиг нь тэднийг насанд хүрсэн хойно ч дагасаар л явдаг.

Бие махбодийн шийтгэл нь хүүхдийн сэтгэцийн эрүүл мэндийг сүйтгэдэг

Бие махбодийн шийтгэл нь сэтгэцийн эрүүл мэндэд маш ихээр нөлөөлдөг. Тэд сэтгэлийн түгшүүр, сэтгэлийн хямралтай болж, өөрийгөө үнэлэх чадвар нь ч буурдаг байна.

Мөн сэтгэл хөдлөлийн тогтворгүй байдал, сэтгэл гутрал зэрэг зан авирын янз бүрийн эмгэг үүсгэдэг болохыг олон судалгаа нотолжээ.

Хүүхэдтэй зөв харьцах арга замууд

Хүүхдийг хүмүүжүүлэх өөр олон эерэг арга байдаг. Жишээ нь: болохгүй зүйл хийснийх нь төлөө гар хүрч, загнах бус тайвширтал нь чимээгүй орхих хэрэгтэй. Дараа нь яагаад өөрийнх нь буруу байсныг тайлбарлаж өгөөрэй. Мөн нэг өдөр чихэр идэх, нэг өдөр хүүхэлдэйн кино, зурагт үзэх зэрэг эрхийг нь хасах гэх мэт шийтгэл нь хүүхдийг буруугаа өөрөө ухаарахад нь тусалдаг сайн арга гэж сэтгэл зүйчид зөвлөжээ.

Эх сурвалж: Brightside

шинэ мэдээ

ХОМ: Үндэсний эвслийн жагсаалтыг тэргүүлэгч Н.Номтойбаяр ₮1.5 тэрбумын барилга байгууламжтай

Нэр дэвшигчдийн хөрөнгө орлогын мэдүүлгийн хураангуйг АТГ-аас өнөөдөр танилцуулав. УИХ-ын 2024 оны ээлжит сонгуульд хоёр эвсэл байгаагийн нэг нь Үндэсний эвсэл юм. Тус эвслийн жагсаалтаар нэр...

ХОМ: Х.Баттулга 267 сая төгрөгийн орлоготой

УИХ-ын 2024 оны ээлжит сонгуульд нэр дэвшигчдийн хөрөнгө орлогын мэдүүлгийн хураангуйг АТГ-аас танилцуулав. Ерөнхийлөгч асан Х.Баттулга 2024 оны УИХ-ын сонгуулийн 4-р тойрогт нэр дэвшиж буй....

ХОМ: Ерөнхий сайд Л.Оюун-Эрдэнийн жилийн орлого 244 сая төгрөг

АТГ-аас УИХ-ын сонгуульд нэр дэвшигчдийн хөрөнгө орлогын мэдүүлгийг олон нийтэд нээллтэй тавьжээ. Монгол Улсын Ерөнхий сайд, МАН-ын дарга Л.Оюун-Эрдэнэ УИХ-д гурав дахь удаагаа нэр дэвшиж...

ХОМ: Хөрөнгийн хэмжээгээр эхний аравт бичигдэж буй нэр дэвшигчид

Хуулийн дагуу УИХ-ын сонгуульд нэр дэвшигчид хөрөнгө орлогоо АТГ-т мэдүүлдэг. Тус газраас УИХ-ын 2024 оны сонгуульд нэр дэвшигчдийн хөрөнгө орлогыг нийтэд ил болгожээ.Үүнээс хөрөнгийн хэмжээгээр...

трэнд