- Судалгаагаар элсэн чихэр, боловсруулсан, цэвэршүүлсэн хоол хүнс нь үрэвслийг үүсгэдэг бөгөөд ингэснээр зүрх судасны өвчин, тархинд цус харвах эрсдлийг нэмэгдүүлэх аюултай байдаг гэжээ.
- Харин бүхэл үрийн хүнс, эрүүл уураг нь үрэвслийг бууруулж, эрүүл мэндэд үр дүнд сайнаар нөлөөлдөг.
- Улаан мах, чихэрлэг ундаа, боловсруулсан хоол хүнснээс татгалзаарай.
Ургамлын гаралтай хоолны дэглэм барьж, боловсруулсан, цэвэршүүлсэн, элсэн чихэртэй хоол хүнснээс татгалзах нь дээр гэж та олон сонсож байсан байх. Харин үүнийг яагаад гэдгийг шинэ судалгаагаар харуулжээ.
Америкийн Кардиологийн Коллежийн (JACC) сэтгүүлд энэ сард хэвлэгдсэн судалгаагаар хүний биед үрэвсэл ихэсдэг хоол хүнс нь зүрх судасны өвчин, тархинд цус харвах эрсдэлийг нэмэгдүүлдэг болохыг тогтоожээ.
Судалгааны мэдээлэл нь 1986 оноос эхэлсэн бөгөөд 210,000 гаруй хүнд дүн шинжилгээ хийсэн байна. Эрүүл мэндийн I ба II судалгаанууд гарсан бөгөөд үүнд 32 хүртэлх жилийн судалгааг оруулжээ.
Судалгаануудаар ургамлын гаралтай хоолны дэглэмийг дагах нь цаг хугацааны явцад үрэвслийн эрсдэлийг бууруулдаг болохыг тогтоожээ.
Харвардын хоол тэжээлийн хэлтсийн судлаач, доктор, Массачусетс мужийн Бостон дахь Чанийн нийгмийн эрүүл мэндийн сургууль, судалгааны ахлагч зохиолч Жун Ли “Бие үрэвсэлтэй болох нь зүрх судасны өвчлөлийг нэмэгдүүлдэг. Судалгаанд хамрагдсан хүмүүсийн 20 хувь нь үрэвслийн эсрэг хоол хүнс хэрэглэдэг байсан” гэжээ.
“Үрэвслийн эсрэг хоол хүнс хэрэглэдэг, судалгаанд хамрагдсан хүн амын 20 хувь нь зүрхний өвчинд нэрвэгдэх магадлал 46 хувь, тархинд цус харвах магадлал 28 хувьтай байсан” гэж тэрээр мөн тэмдэглэв.
Ли хэлэхдээ “Манай судалгааны багт зөвхөн сувилагч, эрүүл мэндийн мэргэжилтнүүд багтдаг. Судалгаанд хамрагдсан хүн амын ихэнх нь цагаан арьстан байсан тул олж мэдсэн зүйлээ бусад популяциудад дэлгэрүүлж, хуулбарлах нь чухал юм” гэсэн байна.
Ямар төрлийн хүнс хэрэглэх вэ?
Зарим хоол хүнс нь зүрх судасны асуудалд хүргэж болзошгүй үрэвслийг үүсгэдэг. Тиймээс эхлээд хэрэглэж болохгүй хүснийг дурдъя.
- Чихэрлэг ундаа
- Боловсруулсан мах
- Цэвэршүүлсэн үр тариа зэрэг орно. Эдгээр хоолыг хэзээ ч битгий ид гэж хэлэх боломжгүй, гэхдээ эдгээр хүнсний бүтээгдэхүүний хэрэглээг багасгах нь зүйтэй.
Харин оронд нь:
- Үр тариа
- Ургамлын гаралтай хүнс
- Загас
- Уургалаг бүтээгдэхүүн
- Навчит ногоо
- Хар шар өнгийн ногоо
- Жимсний хэрэглээг нэмэгдүүлээрэй.
Товчхондоо, үр тариа, эрүүл уураг, жимс, ногоогоор баялаг хоолны дэглэм сахих нь цэвэршүүлсэн, боловсруулсан хоол идэхээс илүү эрүүл мэндэд тустай юм.
Хүсэл эрмэлзэл
Эрүүл бус хоолны дэглэм нь зүрхний өвчнөөр нас барах эрсдэлийн тэргүүлэх шалтгаан болж байна. /АНУ/ Бургер, шарсан төмс идэж, хийжүүлсэн ундаа уух нь салат идэхээс илүү сэтгэл ханамжтай байлгаж болох юм. Гэсэн ч үүнээс татгалзах хэрэгтэй. Судлаач Фрийман хэлэхдээ “Амьдралын хэв маяг бол эм юм” гэсэн байна.
Харин эрүүл амьдрах амьдралын хэв маягт ургамлын гаралтай хоолны дэглэм барих, тогтмол дасгал хийх, стрессээс ангижрах, хангалттай унтах зэрэг багтана.
Эх сурвалж: healthline