Бидний идсэн хоол хүнс, хөдөлгөөний дутагдал, амьдралын буруу хэв маяг нь жингийн илүүдэлд хүргэдэг. Биеийн жингээ хэвийн байлгах, эрүүл байхад дараах дасгалууд тусална.
Хүзүүний сунгалт
Энэ дасгал нь хүзүүний булчингийн уян хатан чанарыг сайжруулж, ойролцоох өөх тосыг хайлуулна.
Дээшээ харан хэвтээд өвдөгөө хагас нугална. Дээрх зурагт үзүүлсэн шиг алчуураа нугалаад толгойны ар тал хэсгээр ороон хүзүүгээ сунган алчуураа дээш татна. 3 удаа гүнзгий амьсгаа аваад дасгалаа 3-4 удаа давтана.
Мөрний сунгалт
Мөрний хэсгийн хурцадмал байдал нь нүдний хараанд сөргөөр нөлөөлж, байнга толгой өвдөх шалтгаан болдог. Зураг дээрх байрлалыг 30 секундын турш хадгалаад, дараа нь нөгөө гараараа давтана.
Гарын сунгалт
Энэхүү дасгал нь унжсан арьсны анхны шинж тэмдэг илэрсэн хүмүүст сайн нөлөө үзүүлдэг. Энэ нь цусны эргэлтийг сайжруулж, лимфийн урсацыг нэмэгдүүлдэг.
Гарын арын булчин сунаж буйг мэдрэхийн тулд биеэ эргүүлээрэй. Хоёр талдаа 30 секундын турш дасгалыг хийнэ.
Нурууны сунгалт
Нурууны цээж хэсгийн чангарсан булчингууд нь чөлөөтэй амьсгалах боломжийг олгодоггүй бөгөөд амьсгал давчдах шалтгаан болдог. Энэхүү сунгалтыг хийхийн тулд танд тусгай йогийн блок эсвэл зузаан хөнжил хэрэгтэй.
Доошоо харж хэвтэнэ. ингэхдээ хоёр гараа зөрүүлсэн байрлалтай байна. Толгой доороо дэр байрлуулна.
Нүдээ аниад 8 удаа гүнзгий амьсгаа аваарай.
Хэвлий хэсгийн сунгалт
Энэхүү дасгал нь хэвлий хэсгийн таргалалтаас сэргийлдэг.
Суугаад нэг хөлөө хажуу тийш нь тавин гараа эсрэг чигт сунгана.
Хэвийн амьсгалж, энэ байрлалыг 30-40 секундын турш барь, дараа нь эсрэг талдаа давтана.
Энэхүү дасгал нь машин жолооддог эсвэл өдөржингөө суугаа ажил эрхэлдэг хүмүүст хамгийн хэрэгтэй. Мөн гуя хэсгийн целлюлиттэй тэмцэхэд тусална.
Зураг дээрх байрлалыг 30 секундын турш барь, дараа нь нөгөө хөлөөрөө давтана.
Гуя хэсгийн сунгалт
Энэхүү дасгал нь хөдөлгөөнгүй амьдралын хэв маягаас үүдэлтэй хаван болон хөлний өвдөлтийг арилгахад тусалдаг.
Суугаад хочр хөлийнхөө шагайн хэсгээс барин өвдгөө нүүр рүүгээ татна. Гэхдээ хэт сунгахгүйгээр.
Энэ байрлалаа 30 секундын турш барина.
Шилбэ хэсийн сунгалт
Энэ дасгал нь өндөр өсгийт дээр удаан алхсан үеийн хавдар, өвдөлтийг арилгана.
Зураг дээрх байрлалаыг 30-40 секундын турш барина.
Хөлийн сунгалт
Энэ дасгал нь шагайны хурцадмал байдлыг арилгах, хөлний өвдөлтөөс ангижрахад тусална.
Эгц зогсоод алгаараа хана тулна.
Баруун хөлийн өлмий хэсгийг хананд тулгаад өвдгөө нугална. Хөл ба хананы хоорондох зай 20-25 инч байх ёстой.
Энэ байрлалыг 30 секундын турш барьж, дараа нь нөгөө хөл дээрээ ижил хийнэ.
Бүх биеийн сунгалтын дасгал
Энэхүү суналт нь таны хөлний булчингуудыг идэвхжүүлж, биеийн дээд хэсгийн булчинг сулладаг.
Хөлөө нийлүүлэн зогсоод аажмаар урагш бөхийн хоёр гараа газарт хүргэнэ. Хөл эгц байна.
Энэ байрлалыг 50-60 секундын турш барина.
Эх сурвалж: Brightside
