No menu items!
HomeНийгэмӨөх соруулах мэс заслын үед хүний амь хохироосон хэргийг 5 жилийн дараа...

Өөх соруулах мэс заслын үед хүний амь хохироосон хэргийг 5 жилийн дараа шийдвэрлэжээ

-

“Тод каннам” гоо сайхны эмнэлэгт 2019 оны гуравдугаар сарын 6-ны өдөр өөх соруулах мэс засал хийлгэсэн 29 настай эмэгтэй амиа алдсан. Хан-Уул дүүргийн прокурорын газраас тус эмнэлгийн захирал Д.Тодням, эмч Д.Тодномбат, Б.Мөнгөнчимэг нарт яллах дүгнэлт үйлдэж, хэргийг 2020 онд шүүхэд шилжүүлсэн.

Анхан шатны шүүхээс энэ оны хоёрдугаар сард эл хэргийг шийдвэрлэжээ. Тодруулбал, Хан-Уул дүүргийн Эрүүгийн хэргийн анхан шатны шүүхээс эмнэлгийн захирлыг цагаатгаж, мэс заслын болон мэдээгүйжүүлэгч эмчид тус бүр 1 жил 6 сарын хугацаагаар хорих ял оноож,  эмчлэх эрхийг тус тус 2 жилийн хугацаагаар хасаж шийдвэрлэсэн байна. Гэхдээ бага насны хүүхэдтэй гэх үндэслэлээр нэг эмчид оногдуулсан 1 жил 6 сарын хорих ялыг хойшлуулжээ.

Дээрх анхан шатны шүүхийн шийдвэрийг эс зөвшөөрч гэм буруутайд тооцогдсон эмч нарын болон цагаадсан этгээд болох эмнэлгийн захирал нарын өмгөөлөгч Э.Ганбат, хохирогчийн хууль ёсны төлөөлөгчийн өмгөөлөгч Л.Баасанжав нар Нийслэлийн Эрүүгийн хэргийн давж заалдах шатны шүүхэд гомдол гаргажээ.

Эмнэлгийн захирлыг цагаатгаж, мэс заслын болон мэдээгүйжүүлэгч эмчид тус бүр 1 жил 6 сарын хугацаагаар хорих ял оноосон байна.

Шүүх гомдлыг 2024 оны 3 дугаар сарын 28-ны өдөр хянан хэлэлцээд, анхан шатны шүүх эмнэлгийн захирлыг цагаатгасныг, мэс заслын болон мэдээгүйжүүлэлтийн эмч нарыг гэмт хэрэг үйлдсэн гэм буруутайд тооцсоныг хууль ёсны үндэслэлтэй байна гэж дүгнэв. Улмаар анхан шатны шүүхийн шийдвэрийг хэвээр үлдээжээ.

Харин хохирогчийн хууль ёсны төлөөлөгчийн өмгөөлөгч Л.Баасанжавын гаргасан давж заалдах гомдлын дагуу хохирогчийн сэтгэцэд учирсан хор уршигтай холбоотой өөрчлөлт оруулан Иргэний журмаар нэхэмжлэх эрхийг нь нээлттэй үлдээж, хохирогчийн хууль ёсны төлөөлөгчийн сэтгэл санаанд учирсан хохирлыг олгож, хэргийн зүйлчлэл болон оногдуулсан ял шийтгэлийг хэвээр үлдээж шийдвэрлэсэн байна.

Эх сурвалж: Нийслэлийн Эрүүгийн хэргийн давж заалдах шатны шүүх

Г.Жаргал
Г.Жаргал
Zaag.mn сайтын редактор

шинэ мэдээ

ХОМ: Үндэсний эвслийн жагсаалтыг тэргүүлэгч Н.Номтойбаяр ₮1.5 тэрбумын барилга байгууламжтай

Нэр дэвшигчдийн хөрөнгө орлогын мэдүүлгийн хураангуйг АТГ-аас өнөөдөр танилцуулав. УИХ-ын 2024 оны ээлжит сонгуульд хоёр эвсэл байгаагийн нэг нь Үндэсний эвсэл юм. Тус эвслийн жагсаалтаар нэр...

ХОМ: Х.Баттулга 267 сая төгрөгийн орлоготой

УИХ-ын 2024 оны ээлжит сонгуульд нэр дэвшигчдийн хөрөнгө орлогын мэдүүлгийн хураангуйг АТГ-аас танилцуулав. Ерөнхийлөгч асан Х.Баттулга 2024 оны УИХ-ын сонгуулийн 4-р тойрогт нэр дэвшиж буй....

ХОМ: Ерөнхий сайд Л.Оюун-Эрдэнийн жилийн орлого 244 сая төгрөг

АТГ-аас УИХ-ын сонгуульд нэр дэвшигчдийн хөрөнгө орлогын мэдүүлгийг олон нийтэд нээллтэй тавьжээ. Монгол Улсын Ерөнхий сайд, МАН-ын дарга Л.Оюун-Эрдэнэ УИХ-д гурав дахь удаагаа нэр дэвшиж...

ХОМ: Хөрөнгийн хэмжээгээр эхний аравт бичигдэж буй нэр дэвшигчид

Хуулийн дагуу УИХ-ын сонгуульд нэр дэвшигчид хөрөнгө орлогоо АТГ-т мэдүүлдэг. Тус газраас УИХ-ын 2024 оны сонгуульд нэр дэвшигчдийн хөрөнгө орлогыг нийтэд ил болгожээ.Үүнээс хөрөнгийн хэмжээгээр...

трэнд