Та бүхэн удаан хугацаагаар, ачаалал ихтэй дасгал хийх л хамгийн үр дүнтэй гэж бодож байгаа бол тийм биш гэнэ.
NASM ба NCCPT-ийн гэрчилгээтэй, дасгалжуулагч Моника Жонс, Чузе фитнессийн менежер, хувийн дасгалжуулагч Майк Морено, “Роус Хаус”-ын НАСМ-ийн гэрчилгээтэй хувийн дасгалжуулагч Жош Оноре нарын зөвлөснөөр та сунгалтын дасгал болон скуат суулт, ханатай суулт, хагас суух зэрэг дасгалуудыг яг зохих зааврын дагуу тогтмол хийх нь хамгийн үр дүнтэй дасгалд ордог байна. Жишээлбэл, статик суулт нь булчингийн хүч чадал, тогтвортой байдлыг нэмэгдүүлдэг.
Эдгээр булчин шөрмөс хөгжүүлэх, тэнцвэрт дасгалуудын гол үүрэг нь булчинг чангалан, булчин шөрмөсийн уян хатан чанарыг сайжруулж, үенд “элэгдэлт” үүсгэхгүй, холбогч эдүүдийг бэхжүүлж өгдөг сайн талтай юм.
Мөн эдгээр дасгалууд нь жин хаяхад сайн нөлөөтэй байдаг бөгөөд уян хатан болсноор гэмтэж бэртэх эрсдэл багасдаг юм шүү.
Анхаарах зүйл
Эдгээр дасгалууд нь цусны даралтад нөлөөлж магадгүй тул цусны даралт болон зүрхний өвчтэй хүмүүс хийхийн өмнө эмчтэйгээ зөвлөж хийх дасгал, хугацаа, ачааллаа өөртөө тохируулах хэрэгтэй.
