No menu items!
HomeЭмч зөвлөж байнаО.Солонго: Улирлын томуу нь жил бүрийн 10-р сараас эхлэн дараа оныхоо 3-р...

О.Солонго: Улирлын томуу нь жил бүрийн 10-р сараас эхлэн дараа оныхоо 3-р сар хүртэл үргэлжилдэг

-

Ханиад, шуухинаа, томуугаас хэрхэн сэргийлэх тухай Анагаах ухааны доктор, Хүүхдийн уушгины эмч О.Солонго мэдээлэл өгснийг сийрүүлэн хүргэж байна.

Амьсгалын замын халдвар үүсгэгч хэдэн төрлийн вирус байдаг вэ?

Амьсгалын замын цочмог халдвар нь 200 гаруй төрлийн вирусээр үүсгэгддэг.  Томуу нь томуугийн А, В, С хүрээний вирусээр үүсгэгдэх бөгөөд вирус нь хүйтэн, чийг багатай орчинд удаан хугацаанд амьдрах чадвартай, эмгэг төрүүлэгч шинж чанартай юм. Улирлын томуу нь жил бүрийн аравдугаар сараас эхлэн дараа оныхоо гуравдугаар сар хүртэл үргэлжилдэг.

Томуугаас хэрхэн сэргийлэх вэ?

Томуугаас сэргийлэх гол арга нь гараа сайтар угаах, амны хаалт тогтмол хэрэглэх, зөв ханиаж найтаах зэрэг юм. Үүнээс гадна унтаж амрах, шингэн зүйлийг бага хэмжээгээр ойр ойрхон уух хэрэгтэй.

Бага насны хүүхдийг зөв асрах нь чухал. Тодруулбал, дулаан хувцаслах, илчлэг сайтай, амин дэмээр баялаг хоол хүнс идүүлэх, идэвхтэй хөдөлгөөнтэй байлгах нь зүйтэй.

Хичээл сургуулийн үйл ажиллагаа эхэлсэн тул хүүхдүүд амны хаалтаа тогтмол зүүж, сургууль цэцэрлэгээсээ тарж гэртээ ирмэгцээ гараа савандаж угаан, амаа сайтар зайлах нь зүйтэй. Ингэснээр ханиад томуугаас тодорхой хэмжээнд сэргийлж чадна.

Томуугийн вакцины талаар мэдээлэл өгнө үү. Вакцин хийх тохиромжтой хугацаа нь хэзээ вэ?

Томуугаас сэргийлэх хамгийн үр дүнтэй арга нь дархлаажуулалт гэж үздэг. Гэхдээ энэ нь 100 хувь сэргийлнэ гэсэн үг биш бөгөөд томуу туссан тохиолдолд хүндрэлээс сэргийлэх ач холбогдолтой.

Эрсдэлт бүлгийн хүн амд тав хүртэлх насны хүүхдүүд, архаг хууч өвчтэй хүмүүс, 65 ба түүнээс дээш насны хүмүүс, эмнэлгийн ажилтнууд болон нягтрал ихтэй газар ажилладаг хүмүүсийг тооцож, томуугийн вакцинд заавал хийлгэх шаардлагатай гэж үздэг.

Томуугийн вакцин хийлгэсний дараагаар хүний биед олдмол дархлаа хоёр долоо хоногийн хугацаанд байж, тогтдог. Иймд вакциныг аравдугаар сараас хийж эхлэх нь тохиромжтой.

Г.Жаргал
Г.Жаргал
Zaag.mn сайтын редактор

шинэ мэдээ

“Залуус түр зуур гадагшаа явах хүсэлтэй байсан бол одоо эргэж ирэхгүйгээр гарах хүсэлтэй болжээ”

УИХ дахь Ардчилсан намын бүлэг өнөөдөр Төрийн ордонд хуралдаж гурван асуудлаар нэгдсэн саналтай байгаагаа сэтгүүлчдэд мэдээлэл хийлээ. Энэ талаар тус намын бүлгийн дарга О.Цогтгэрэл "Бид өнөөдөр гурван асуудлаар...

Авто замд 2.5 тонн давс, 12 тонн бодис цацаад байна

Нийслэлийн нийтийн эзэмшлийн авто зам, гудамж талбайн цас цэвэрлэгээнд Хот тохижилтын газар ОНӨААТҮГ, дүүргүүдийн тохижилт, үйлчилгээний компани болон гэрээт аж ахуй нэгж, байгууллагууд халтиргаа гулгаа...

Ус зайлуулах суваг, шуудууг цэвэрлэн сэргээх зэргээр шар усны үерийн аюулаас сэрэмжилнэ үү

Ойрын өдрүүдэд ихэнх нутгаар дулаарч, өндөр уулс болон гуу, жалга, суваг, шуудуу, гол мөрний  цас эрчимтэй хайлж, гэр хорооллын зарим хорооны нутаг дэвсгэрт хөрсний ус,...

Өнөөдөр Хэнтийн уулархаг нутаг, Ерөө, Туул, Тэрэлж, Хэрлэн голын сав газраар бороо орно

Өнөөдөр/2024.04.01/ Хэнтийн уулархаг нутаг, Ерөө, Туул, Тэрэлж, Хэрлэн голын сав газраар бороо, нойтон цас орж, цасан шуурга шууран говь талын нутгаар салхи шуургатай байхыг Цаг...

трэнд