Нийгмийн даатгалын сангаас олгох ажилгүйдлийн тэтгэмийн хуулийн зарим заалтыг хүргэж байна.
2 дугаар зүйл. Ажилгүйдлийн тэтгэмж авах эрх
1.Даатгуулагч ажилгүйдлийн даатгалын шимтгэлийг ажилгүй болохоосоо өмнө 24 сараас доошгүй хугацаанд, үүнээс сүүлийн 9 сард нь тасралтгүй төлсөн нөхцөлд ажилгүйдлийн тэтгэмж авах, мэргэжлийн сургалтад хамрагдах эрх анх үүснэ.
2. Урьд нь ажилгүйдлийн тэтгэмж авсан даатгуулагч ажилгүйдлийн даатгалын шимтгэл 12 сар төлсөн нөхцөлд тэтгэмж авах, мэргэжлийн сургалтад хамрагдах эрх нь дахин үүснэ.
3 дугаар зүйл.Ажилгүйдлийн тэтгэмжийн хэмжээ
1.Ажилгүйдлийн тэтгэмжийг даатгуулагчийн шимтгэл төлж ажилласан хугацааг харгалзан сүүлийн 3 сарын хөдөлмөрийн хөлс, түүнтэй адилтгах орлогын дунджаас дор дурдсан хувь хэмжээгээр тооцож олгоно:
2. Ажилгүйдлийн тэтгэмжийн доод хэмжээ Хөдөлмөр, нийгмийн зөвшлийн гурван талт үндэсний хорооноос тогтоосон хөдөлмөрийн хөлсний доод хэмжээний 75 хувиас багагүй байна.
Ажилгүйдлийн тэтгэмжийг ямар үед олгох вэ?
Ажилгүйдлийн даатгалын шимтгэлийг ажилгүй болохоосоо өмнө 24 сараас доошгүй хугацаанд, үүнээс сүүлийн 9 сард нь тасралтгүй төлсөн ажилгүй болсон даатгуулагч ажилгүйдлийн тэтгэмж авах эрхтэй.\
Урьд нь ажилгүйдлийн тэтгэмж авсан даатгуулагч ажилгүйдлийн даатгалын шимтгэлийг 12 сараас доошгүй хугацаагаар төлсөн нөхцөлд тэтгэмж авах эрх нь дахин үүснэ.
Ажилгүйдлийн тэтгэмж авахад бүрдүүлэх баримт бичиг:
- Хөдөлмөрийн байгууллагад бүртгүүлсэн тухай тодорхойлолт
- Ажлаас чөлөөлсөн тухай шийдвэр
- Тэтгэмж олгохыг хүссэн өргөдөл
