Яруу найрагч Ц.Хуланг ТЕГ-аас 48 цагийн хугацаатай саатуулж, 461 дүгээр ангид цагдан хорьсон талаар эх сурвалжууд мэдээлсэн. Түүнийг гадаадын тагнуулын алба, иргэнтэй хууль бусаар хамтарч ажилласан гэх зүйл ангиар буруутгаж цагдан хорьсон гэх мэдээлэл гарсан.
Харин энэ талаар Хууль зүй дотоод хэргийн сайд Х.Нямбаатар “ТЕГ-ын дарга хошууч, генерал П.Одонбаатараас би утсаар яруу найрагч Ц.Хулан шалгаж саатуулсан зүйл байна уу гэж асуусан. Тэгэхэд манай харьяаллын хэрэг дээр шалгах шаардлагатай болоод баривчилсан. Эрүүгийн хуульд заасан Төрийн эсрэг гэмт хэргийн бүлэгт заасан тодорхой хэргүүдэд холбогдуулан шалгах шаардлага байгаа гэдэг мэдээлэл өгч байна.
Үндэсний аюулгүй байдлын эсрэг гэмт хэргүүдийг тагнуул дээр харьяалдаг. Өөрөөр хэлбэл эх орноосоо урвах, тагнуул хийх, экстрем байгууллагад нэгдэж орох зэрэг хэргүүдэд тагнуулын байгууллага мөрдөн шалгах ажиллагааг явуулдаг” хэмээн хэвлэлд мэдээлэл өгөв.