Тодруулга: 2022 оны 12-р сарын буцаан олголт нэгдүгээр сарын 25-наас олгогдоно

0
243

2022 оны дөрөвдүгээр сард нэг сая төгрөгөөс доош цалин хөлс, орлоготой Нийгмийн Даатгалын Шимтгэл/НДШ/ төлөгч өөрөө төлсөн хэсгийн 50%-ийг буцаан олгох хуулийг УИХ баталсан билээ. Буцаан олголтыг 2022 он дуустал олгох бөгөөд сар бүрийн 25-наас эхлэн олгоно хэмээн холбогдох газраас мэдээлж байсан. Өөрөөр хэлбэл 2022 оны 12-р сарын буцаан олголтыг 2023 оны нэгдүгээр сарын 25-наас олгох юм.

Түүнчлэн НДЕГ-аас шимтгэлийн 50 хувийг буцаан олгох тухай хуулийн үйлчлэлд хамрагдсан боловч буцаан олголтоо аваагүй бол дансны дугаараа 2023.01.20-ны өдрийн дотор бүртгэн баталгаажуулахыг сануулсан. Учир нь хуулийн үйлчлэх хугацаа дуусаж байгаа тул бүртгэн баталгаажуулаагүй тохиолдолд нийгмийн даатгалын шимтгэлийг буцаан олгохгүйг анхааруулсан юм.

Харин уншигчдийн зүгээс өмнө нь буцаан олголтоо авч байсан ч сүүлийн саруудын буцаан олголт ороогүй гэх мэдээллийг ирүүлсэн юм.

Энэ талаар НДЕГ-аас тодруулахад “НДШ-ийн буцаан олголтоо огт авч байгаагүй бол энэ сарын 20 буюу маргаашийн дотор дансны мэдээллээ https://daatguulagch.ndaatgal.mn/ веб, E-Mongolia төрийн үйлчилгээний нэгдсэн портал болон харьяа аймаг, дүүргийн нийгмийн даатгалын хэлтэс, сумын нийгмийн даатгалын тасаг, байцаагчид хандан дансны мэдээллээ засуулах боломжтой.

Харин зарим саруудын буцаан олголт орохгүй байгаа бол нийгмийн даатгалын 1800-0724 лавлахаас асууж тодруулж болно. Хэрэв танай АНН, байгуллага нийгмийн даатгалд шитгэлээ төлөөгүй, хоцроож төлсөн байвал орохгүй. Мөн дансны мэдээлэл зөрсөн байх магадлалтай. Тиймээс орохгүй байгаа шалтгааныг нийгмийн даатгалын байгууллагаас тодруулж болно. Харин 2022 оны 12-р сарын буцаан олголт нэгдүгээр сарын 25-наас олгогдоно” гэдгийг хэллээ.