Тамхины хэрэглээ нь хоёр үе дамжин хүүхдийн эрүүл мэндэд сөргөөр нөлөөлж “удам дамжсан нөлөө” үзүүлдэг талаар НЭМҮТ-өөс мэдээлж байна.
Тодруулбал, эцэг, эх нь бага насандаа дам тамхидалтад өртсөн бол хүүхэд нь гуурсан хоолойн багтраа өвчнөөр өвдөх магадлал өндөр байдаг аж.
Мөн тамхи татдаг эцэг,эхийн хүүхэд нь амьсгалын замын нийтлэг өвчнөөр өвдөх эрсдэлтэй юм байна.
Түүнчлэн ХСҮТ-ийн цээжний хөндийн мэс заслын их эмч Д.Мэргэн “Уушгины хортой хавдрын номер нэг эрсдэлт хүчин зүйл нь тамхидалт, дам тамхидалт. Судалгаагаар уушгины хавдар гэж оношлогдож байгаа хүмүүсийн 87 хувь нь тамхи татдаг, дам тамхидалтад өртдөг гэсэн тооцоо бий.
Тамхи татдаг, дам тамхидалтад өртдөг хүмүүс шинж тэмдэг илэрсэн илрээгүй жилдээ нэг удаа рентген зураг авахуулах зэргээр хавдраас урьдчилан сэргийлэх оношлогоонд хамрагдах хэрэгтэй. Тамхидалт нь зөвхөн уушги гэлтгүй толгой, хүзүүний байрлалын хавдар, ходоод, улаан хоолойн хавдрын томоохон эрсдэлт хүчин зүйл болдог” хэмээж байсан юм.