Эрчим хүчний сайд Н.Тавинбэх дараах мэдээллийг өглөө.
Тэрбээр, “Эрчим хүчний салбар хүнд байгаа ч ямар нэгэн хязгаарлалт, технологийн доголдол огт гараагүй. Хүнд байгаа шалтгаан нь хэрэглээ үйлдвэрлэлээсээ давсантай холбоотой.
Эрчим хүчний үнэ нэмэгдээгүй. Ковидоос шалтгаалсан эдийн засгийн хүндрэлийг давахын тулд олон арга хэмжээ авсны нэг нь айл өрхүүдийн, цахилгаан, дулааны эрчим хүчний төлбөрийг төрөөс даасан явдал. ААН, байгууллагын хувьд 13 сарын хугацаанд ямар нэгэн хязгаарлалтгүйгээр төлбөрийг бүрэн даасан. Засгийн газраас 870 тэрбум төгрөг гаргасан. Энэ арга хэмжээний хамгийн сайн тал нь ямар нэгэн эдийн засгийн сөрөг үр дагавар байхгүй.
Цаашид эрчим хүчний үнийг нэмэх шаардлагатай байгаа ч ийм хэцүү цаг үед нэмэх тухай асуудлыг Засгийн газраар ярихгүй. Тодорхойгүй хугацаагаар хойшлуулсан.
Ний нуугүй хэлэхэд төрөөс цахилгаан, эрчим хүчний төлбөрийг дааснаар хэрэглээ нь нэмэгдсэн. Өнгөрсөн үеийн мөн үетэй харьцуулж хэрэглээг нь төрөөс даасан. Тиймээс хэрэглээ нь өнгөрсөн оны мөн үетэй харьцуулахад хэтэрсэн байвал хэрэглэгч өөрөө төлөх үүрэгтэй. Хэрэглээ хэтэрснийг төлбөр нэмэгдсэн гэж ойлгоод байна” гэлээ.
