Сургуулиудын хичээл эхлэх цагийг зөрүүлэх тухай санал асуулгад оролцсон иргэдийн 74.1 хувь нь дэмжсэн байна. Үүнтэй холбоотой авч хэрэгжүүлэх арга хэмжээний талаар танилцуулав.
Нийслэлийн Засаг даргын хэвлэлийн төлөөлөгч Н.Сугар “Олонх нь энэ зохицуулалтыг дэмжиж байна гэсэн. Ирэх долоо хоногийн Даваа гарагаас 59 сургуулийн хичээлийн цагийг хооронд нь зөрүүлэх зохицуулалт хийж байна.
Тодруулбал, ойролцоо хоёр сургууль байвал эхний сургууль 07:45-д хичээл нь эхлэх бол хажуугийн сургууль нь 08:15 цагт хичээл нь эхэлдэг байх зохицуулалт хийж байна.
Зохицуулалт орсон ЕБС-д хүүхэд нь сурдаг ажилтныхаа ажилдаа ирэх, тарах цагийг “уян хатан” зохион байгуулах зөвлөмжийг гаргасан. Ажилтан Хөдөлмөрийн тухай хуулийн дагуу ажлын найман цагаа бүрэн хангах ёстой.” гэв.