Хүн өглөөний хоол идээгүй үед тэжээл дутагдан тархины мэдрэлийн эс хэвийн ажиллахад хэцүү болдог. Хоол хүнс зөвхөн амьдрахын тулд иддэг зүйл биш бие махбод төдийгүй оюун ухааныг ч гэсэн дэмжиж өгдөг чухал зүйл юм. Хоол хүнс болон авьяас чадвар нь хоорондоо нягт уялдаа холбоотой байдаг. Өглөө хоол иддэггүй хүүхдүүд хичээл номондоо сайн төвлөрч чаддаггүй байна. Тиймээс хүүхэддээ заавал өглөөний цайг нь бэлдэж өгч байхыг зөвлөж байна. Тэжээллэг, тэнцвэртэй өглөөний цай нь эрч хүч өгч, өдөр хэт их хоол идэхээс сэргийлдэг.
Дэлхий дахинд өдрийг ямар хоол хүнсээр эхлүүлж байгаа нь “өглөөний мэнд” мэдэхтэй адил аж. Мэдээж хэрэг орон орны хүмүүс өглөөний цайндаа өөр өөр хоол, хүнс хэрэглэж өглөөг эхлүүлдэг.
Швейцарь
Ажлын өдрүүдэд Швейцарьчууд ихэвчлэн бэлтгэхэд хялбар, шим тэжээлээр баялаг хүнс хэрэглэдэг аж. Өтгөн тарганд гранол маягийн овьёос, самар, төрөл бүрийн жимсний холимог хийж иддэг. Тэдний өглөөг эхлүүлдэг энэхүү үндэсний хоолыг “birchermüesli” гэж нэрлэдэг аж.
Харин амралтын өдрүүдэд өглөөний цайгаа үдийн цайны үед уудаг бөгөөд төмстэй панкейк, бяслаг болон зүсэж бэлдсэн мах, сүлжмэл хэлбэртэй талх хэрэглэдэг. Швейцарь маягийн талхтайгаа хамт зөгийн бал, цөцгийн тос, чанамал хэрэглэнэ.
Япон
Японд өглөөний цай нь амтлаг чанартай байдаг. Өглөөний цайндаа хэрэглэх зүйлс нь өдөр эсвэл оройн хооллолттой давхацдаггүй гэнэ. Өглөөний цайны олон төрлийн хэсэгт уламжлалт хоол, хүнс нь цөөн багтдаг. Салмон загас, амар загас, мисо шөл, даршилсан ногоо, будаа зэргээс бүрддэг. Мөн өндөгий омлет байна.
Исланд
Энэ улсад өглөөний цайндаа Омега-3-аар баялаг загасны тосыг хүнсэндээ хэрэглэдэг аж. Энэ нь мэдээж эрүүл мэндэд олон талын ашиг тустай.
Өглөөний цайгаа илүү амттай болгохын тулд “hafragrautur” гэж нэрлэгдэх овьёос хэрэглэдэг. Дээр нь самар, үзэм, бяслаг, өтгөн тараг, сахар нэмж хэрэглэнэ.
Сингапур
Азийн энэ оронд өглөө үйлчилгээний байгууллагуудаар үйлчлүүлэх нь элбэг. Гудамжны хоолны соёл дэлгэрсэн бөгөөд хүмүүс өглөө амтлаг карритай гоймон идэж байхтай таарч магадгүй.
Харин уламлжлалт өглөөний цайнд нь хавчуургатай талх багтана. Энэхүү хүнс нь кофе эсвэл цайтай сайхан зохицдог. Мөн бага зэрэг амттан байна.
Австрали
Хамгийн гол нь үр тариан бүтээгдэхүүн, шим тэжээлийн хослолд түлхүү анхаардаг. Авакода, өндөг болон бусад хачиртай амтат шарсан талх, даршилсан ногоо, жимс жимсгэнэ, тарагтай будаа иддэг. Кафены соёлтой хүмүүст энэ ихээхэн зохицолтой санагдана. Мэдээж хэрэг эспрессог мартаж болохгүй.
Герман
Германы уламжлалт өглөөний цай болох “frühstück”-ны гол орц нь мах болон хиам юм. Энэхүү хооллолт нь төрөл бүрийн махны зүсмэл, хиам, бяслаг, цайны боов, талх, жимс, чанасан өндөг, гэрийн чанамал зэрэг олон зүйлсээс бүрдэнэ. Өргөн сонголтоос хүссэнээрээ идэх зориулалттай.
Турк
Туркийн уламжлалт өглөөний цай нь төрөл бүрийн зуушаар баялаг. Элбэг, дэлбэг сонголтуудаас хүссэнээ идэх боломжтой. Төрөл бүрийн орц найрлагаар баяжуулсан талх, бин, фета бяслаг, өөр олон төрлийн бяслаг, олив, зөгийн бал, шарсан эсвэл өндөгтэй хамт жигнэсэн хиам, сармис болон бусад ногоогоор амталсан хиам зэрэг олон сонголтууд багтана.
Тайвань
АНУ-д нэг аяга сүүг тэнцвэртэй өглөөний цайны нэг хэсэг гэж үздэгтэй адил Тайваньд шар буурцагны сүү хэрэглэдэг. Гудамжны хоолны газрууд болон ресторанууд өглөө бүр үйлчлүүлэгчдээ зориулан үүнийг бэлтгэдэг байна. Өвөлдөө халуун, зундаа хүйтэн хоол хүнсээр үйлчилдэг энэ оронд амтат панкейк, шарсан болон жигнэсэн банш, боорцог түлхүү хэрэглэдэг аж.
Итали
Италичууд өглөөний цайгаа ууж амжих нь ховор. Кофе шопуудад суух олон түмнээс ажвал тийм биз. Гэхдээ кофены ширээн дээр заавал дагалддаг зүйл нь итали маягийн “pastry”. Нарийн боовны энэхүү төрлөө энгийн амттангуудтай хослуулна.
Орос
Тус улсад өглөөний цайндаа хар болон улаан түрс, нимгэн, зузаан панкейк хэрэглэдэг аж. Ажлын өдрүүдэд өглөөний цайгаа бэлтгэх аргыг хялбарчилдаг бөгөөд хөх тарианы талхан дээр түрсээ түрхэж иддэг. Өглөөний цайны ширээн дээр хар цай заавал байдаг.
