Нийгмийн бодлогын байнгын хорооны хуралдаан болж байна. Хуралдаанаар төсвийн асуудал хэлэлцэж байгаа юм. Энэ үеэр УИХ-ын гишүүн Ч.Ундрам өөрийн байр суурийг илэрхийллээ.
Тэрбээр “Нийгмийн даатгалын шимтгэлтэй холбоотой нилээд гомдол бизнес эрхлэгчдээс ирж байна. Өндөр цалинтай иргэд нийгмийн даатгалын шимтгэлээ өндөр төлөөд эргээд эмнэлэг дээрээ очихоор дараалал ихтэй, үйлчилгээгээ авч чадаагүйгээс хувийн эмнэлэг орох шаардлага гарч байгаа юм. Орлогогүй хүмүүс шимтгэлээ нөхөөд төлж байна. Энэ нь шударга биш. Үүнээс болж зарим иргэд цалингаа багаар тооцож шимтгэлээ төлөх асуудал гарч байна. Энэ тал дээр тодорхой бодлого байгаа юу, үгүй юу гэдгийг асуумаар байна.
Мөн манай Сэлэнгэ аймгийн Сүхбаатар суманд 3.5 тэрбум усан бассейн барихаар төсөвлөсөн байна. Сүхбаатар сум бассейнтай. Хоёр бассейнаар яах гэж байгааг ойлгохгүй байна” гэв.