Мөнхийн хайр киногоор бидний танил болсон Туркийн үзэсгэлэнт жүжигчин Мелиса Асли Памукийн талаарх мэдээллийг хүргэж байна.
Жүжигчин, загвар өмсөгч Мелисса Асли Памук өөрийгөө од болон гялалзана гэж хэзээ ч бодож байгаагүй. Охин миссийн тэмцээнд түрүүлэх хүртлээ жирийн амьдралаар амьдардаг байсан бөгөөд үүний дараа түүний хувь тавилан эрс өөрчлөгджээ.
Мелисса 1991 оны хавар Нидерландын баруун хэсэг, Харлем хотод төрсөн бөгөөд Голланд гаралтай. Памук хүүхэд байхдаа жүжигчин болно гэж огт бодож байгаагүй гэдэг. Тэрээр эмч болохыг хүсдэг байж.
Гэхдээ мэргэжил сонгох цаг ирэхэд сэтгэл судлалыг сонгож, Амстердамын Их Сургуульд элсжээ. Гэвч бүсгүй их сургуульд сурч байхдаа Туркийн миссийн тэмцээнд оролцож түрүүлснээр загвар өмсөгчийн карьертаа анхаарахаар шийдсэн байна. Тэрээр 2011 онд “Туркийн мисс”-ийн тэмцээд түрүүлж, эх орноо төлөөлөн “Miss Universe 2011” тэмцээнд оролцжээ.
Кино
Түүний анхны тоглосон бүтээл нь богино хэмжээний кино байв. Үүний дараагаар түүнд “Yer Gök Aşk” хэмээх олон ангит кинонд тоглох санал ирж, дүр бүтээснээр улам алдаршжээ. Тэрээр мөн 2012 онд “KaraKedi” хэмээх кинонд дүр бүтээсэн байна.
Үүний дараагаар тэрээр “Kurt Seyit ve Şura”, “Her Sevda Bir Veda”, “Ulan Istanbul” зэрэг олон алдартай кинонуудад тоглосон байдаг.
Харин түүний тоглосон кинонууд дундаас олон улсад алдаршсан нь бидний сайн мэдэх “Мөнхийн хайр” цуврал юм. Тэрээр 2015-2017 онуудад уг киноны зураг авалтанд оролцсон байна.
Хувийн амьдрал
Памук хувийн амьдралынхаа талаар олон нийтэд дэлгэрэнгүй мэдээлэхийг хүсдэггүй ч түүний Tolga Sala хэмээх залуутай хамт авахуулсан зургууд нь олон нийтийн сүлжээнд аль хэдийнээ тархжээ. Хосуудын харилцаа 10 орчим жил үргэлжилсэн ч хоёр тийш болсон байна.
Харин одоо тэрээр “Бешикташ” клубын хөлбөмбөгчин Oguzhan Ozyakup хэмээх залуутай болздог аж. Гэхдээ тэд өөрсдийнхөө талаар олон нийтэд албан ёсны мэдээлэл өгөөгүй байгаа юм.
