“Тэ Жу Ён” киноны гол дүрийг бүтээснээр нь бидний сайн мэдэх жүжигчин Чой Сү Жоны талаарх сонирхолтой баримтуудыг хүргэж байна.
Жүжигчин Чой Сү Жон 1962 оны 12-р сарын 28-нд Өмнөд Солонгосын Сөүл хотод төржээ. Тэрбээр анх 1987 онд “Хайрын мод” цувралд тоглож жүжигчний карьераа эхлүүлсэн.
Түүнийг олонд алдаршуулахад нөлөөлсөн гол уран бүтээл нь “Тэ Жү Ён” кино юм. Тэрээр 20 гаруй жил жүжигчнээр ажилласан бөгөөд “Жүжигчин хүнд алдар нэр богино боловч жүжиглэх нь урт юм. Би жүжиглэх тусам улам их шунал төрдөг. Цаашид хэрхэхийг мэдэхгүй. Ямартай ч би хүсч байна. Өөрийгөө удирдаж сурахад илүү их хүчин чармайлт гаргаснаар сайн жүжигчин хэвээр үлдэх болно” хэмээжээ.
2006 онд 200 ангитай “Тэ Жу Ён” цувралд тоглосон. Үүний дараа “Ерөнхийлөгч”, “Эх орончдын домог”, “Хааны мөрөөдөл”, “Тэнгисийн эзэн” зэрэг олон цувралуудад дүрээ бүтээжээ. Тэрээр нийтдээ 10 гаруй уран сайхны кино, 40 гаруй цувралд дүрээ бүтээсэн байна.
Жүжигчин Чой Сү Жон хамт олныхоо дунд хөгжилтэй, сэргэлэн цовоо гэдгээрээ алдартай. Түүнийг зураг авалтын талбайд хошигногч гэдгээр нь мэддэг бөгөөд “NG Mawang” (NG Master) цолыг хүртсэн аж.
Тэрээр байнгын дасгал хөдөлгөөн, эрүүл хооллолтыг эрхэмлэдэг бөгөөд бие бялдрын хөгжилдөө ихээхэн анхаардаг. Түүний чийрэг бие бялдар наснаасаа залуу дүрүүдийг бүтээх боломжийг олгодог. Мөн тэрээр чөлөөт цагаараа хөл бөмбөг тоглох дуртай. Ням гарагийн өглөө бүр хөлбөмбөг тоглодог гэнэ.
2007 онд түүний талаар нэлээдгүй шуугиан бүхий асуудал хөндөгдсөн байдаг. Тэрээр боловсролын зэргээ худал мэдээлсэн болох нь тогтооджээ. Түүний намтар дээрх боловсрол эзэмшсэн байдал нь худал болохыг баталсны дараа уучлалт хүссэн байна.
2021 онд Чой Сү Жоны хөрөнгө мэдэгдэхүйц өссөн талаар хэвлэлүүд бичжээ. Түүний хөрөнгө ойролцоогоор 178 сая доллар гэж vipfaq хэрэглэгчид мэдээлсэн байна. Үүнд дарвуулт завь, хувийн онгоц, хувьцаа, үл хөдлөх хөрөнгө, үнэт эдлэл зэрэг багтана.
Хувийн амьдрал
Тэрээр жүжигчин Ha Hee-ra-тай 1993 онд гэрлэсэн. Тэд 1999 онд хүү, 2000 онд охинтой болжээ. Жүжигчин Чой эхнэрээ жирэмсэн байхад бүхий л гэрийн ажлаа хийж, эхнэртээ ихээхэн анхаарал, халамж тавьж байсан нь түүнийг Солонгос эмэгтэйчүүдэд ихэд таалагдахад хүргэсэн аж.
2010 оны эхээр түүний эхнэр нэгэн ярилцлагада нөхрөө өөрөөс нь илүү сайн гэрийн ажил хийдэг гэжээ.
Эхнэрийн хамт буяны үйл ажиллагаа, төсөл, хөгжлийн бэрхшээлтэй хүүхдүүдэд чиглэсэн гэх мэт сайн дурын үйл ажиллагаанд идэвхтэй оролцохоос гадна 2009 онд хамтдаа БНСУ-ын Үндэсний музейн сайн санааны элчээр сонгогдож байжээ.