“Дахиад нэг удаа” киноны гол дүрийн жүжигчин И Мин Жоны талаарх сонирхолтой мэдээллийг хүргэж байна.
И Мин Жон 1983 оны 2-р сарын 16-нд Сөүл хотод төрсөн. Түүний өвөө нь алдартай зураач байсан бөгөөд Солонгосын урлагийн түүхэнд чухал байр суурь эзэлдэг ажээ. Тэрээр “Sungkyunkwan” их сургуульд театрын чиглэлээр суралцаж, төгссөн байна.
Тэрээр тайзны жүжигт тоглон уран бүтээлийн гараагаа эхэлж, хэдэн жилийн турш киноны туслах дүрийг бүтээдэг байжээ. Харин “Boys Over Flowers” кинонд тоглосныхоо дараа олны танил болсон бөгөөд “Smile, You”цувралд анхны гол дүрээ бүтээсэн байна.
И Мин Жон романтик инээдмийн “Cyrano Agency” (2010) кинонд гол дүр бүтээснээр улам илүү алдаршжээ. Түүнчлэн Wonderful Radio (2012), Big (2012), Cunning Single Lady (2014), Come Back Mister (2016) зэрэг кино нь үзэгчдийн таашаалд ихээхэн хүрсэн байдаг.
И Мин Жон 2010 онд романтик инээдмийн “Cyrano Agency” кинонд тоглосон бөгөөд “Local award”-аас шилдэг шинэ эмэгтэй жүжигчний шагнал хүртжээ. Түүнчлэн 2009 онд SBS Drama Awards-аас “New Star” шагнал хүртсэн байдаг. Мөн тэрээр олон алдартай кино наадамд нэр дэвшиж байсан юм.
Түүнийг манай уншигчид “Boys Over Flowers” киноны туслах дүрээр нь сайн мэдэх байх. Тэрээр 2009 онд гарсан уг алдарт киногоор олонд танигдсан бөгөөд үүний дараагаар анхны гол дүрээ авч чадсан ажээ.
2020 онд тэрээр телевизийн олон ангит цуврал болох “Once Again” кинонд гол дүрд тоглож үзэгчдээс өндөр үнэлгээ авчээ.
И Мин Жон “All in”, “IRIS” киногоороо бидний танил болсон Солонгосын алдарт жүжигчин И Бюн Хунтай 2013 оны 8-р сарын 10-нд гэрлэсэн. Хосууд 2006 оноос хойш үерхэж байгаад 2012 онд олон нийтэд харилцаагаа мэдэгджээ. Тэд 2015 оны 3-р сарын 31-нд анхны хүүхдээ өлгийдөн авсан байна.