Бактерийн эсрэг үйлчилгээтэй гарын саван гэж сурталчилж байхыг та маш олон удаа харсан байх, магадгүй одоо ч тэрхүү савангууд бактерийг устгадаг гэж боддог байж болох юм.
Бактерийн эсрэг саван нь энгийн савантай ижил үйлчилгээтэй байдаг аж. Хамгийн гол нь тэдгээр саван бактерийг шууд устгах биш нян бактерийн амьдарч, өсөж, олширдог орчныг үгүй хийж цэвэрлэдэгт л “бактерийн эсрэг” гэх үйлчилгээ нь агуулагддаг байна.
Нян вирус, бактериуд янз бүрийн, өөр өөрийн таатай орчин нөхцөлд үржиж, өсдөг байна. Зарим нь чийглэг, зарим нь тослог, зарим нь уурагтай орчин гэх мэт.
Савангийн гол үйлчилгээ бол тэр бүхнийг цэвэрлэж арилгах. Сүүлийн үед харин ч бүр эсрэгээрээ бактерийн эсрэг саванг хортой, муу нөлөөтэй гэж үзэх болсон. Учир нь бактерийн эсрэг саван нь ашигтай, ашиггүй бактери гэж ялгахгүйгээр амьдрах өсөж үржих таатай орчинг үгүй хийж устгадаг. Тиймээс хүний биед байх ёстой ашигт бактериуд мөн амьдрах боломжгүйгээс устдаг байна.
Монашийн Их Сургуулийн микробиологийн профессор, Нянгийн судлалын төвийн захирал Тревор Литгов “Ердийн саван ашиглан зөв дараалал, арга техникээр гараа угаахад эмгэг төрүүлэгч бичил биетнийг 100% үр дүнтэй устгадаг. Гар угаах үед саван нь таны арьсанд байгаа бактери, вирусийг агуулдаг шороо, тоосыг уусган, угааж цэвэрлэдэг болохоос биш саван нь молекулд ямар ч нөлөө үзүүлэхгүй зөвхөн физик процессоор л бактерийг угааж арилгадаг” гэжээ.
Саван үйлдвэрлэхэд хийж буй бактери устгах элдэв нэмэлтүүд нь харин ч үйлдвэрлэх, хэрэглэх үед бүтэц нь өөрчлөгдөж бактерийг антибиотикт тэсвэртэй болгох сөрөг нөлөө үзүүлж болзошгүй гэсэн байна.
Эх сурвалж: cosmosmagazine
