“Грейн анатоми” олон ангит киноны хамгийн анхны цуврал нь 2005 онд дэлгэцнээ гарч байжээ. Тэр үеэс хойш 16 жил өнгөрсөн байхад гол дүрийг бүтээсэн Эллен Помпео одоо ч яг л анхны цуврал дээр гардаг шигээ залуу хэвээрээ харагддаг.
Өдгөө 51 настай Эллен арьс арчилгааны зургаан нууцаа хуваалцжээ.
НЭГ: Эгогоо үргэлж хянадаг.
Хүний сэтгэл санаа эрүүл мэнд, арьс, гоо сайхан гээд бүгдэд нөлөөлдөг. Тиймээс миний хамгийн их анхаардаг зүйл бол энэ. Би нүүр царайгаараа ажлаа хийдэг учраас арьсандаа маш их анхаардаг. Би эгогоо үргэлж хянаж, сэтгэлийн амар амгалан байдлыг чухалчилдаг.
ХОЁР: Таван алхамт арчилгаа
Цэвэрлэгч сүүн шингэн, ийлдэс, зовхины тос, тэжээлийн тос, нарны тос. Энэ тавыг өдөр тутамдаа хэрэглэдэг.
ГУРАВ: Ботоксийг дэмждэггүй
Нүүрэндээ ботокс хийлгэх нь арьсаа өөрийн хүчин чадлаар эргэн сэргэх, нөхөн төлжих чадварыг үгүй хийдэг. Тиймээс би ус маш сайн ууж, тодорхой давтамжтайгаар массажны аппаратанд орохыг илүүд үздэг.
ДӨРӨВ: Дотоод гоо сайхан
Гоо сайхан бол таны ямар хүн болох, дэлхий ертөнцөд таны оруулсан хувь нэмэр юу вэ гэдгээс үүдэлтэй бөгөөд та гадаад төрх байдлаасаа илүү үүнд анхаарлаа хандуулах хэрэгтэй. Мэдээжийн хэрэг хүн бүр хамгийн сайхан харагдахыг хүсдэг. Гэхдээ би өөртөө итгэлтэй эмэгтэйчүүдийг хамгийн үзэсгэлэнтэй гэж боддог. Өөртөө итгэх итгэл нь таны гадаад төрхөөс бус харин бусад зүйлээс л хамаарна.
ТАВ: Мөстэй усаар нүүрээ угаадаг
Одоо би нэг аяга шүлтлэг усан дээр мөс нэмж дүүргээд, нүүрээ хөлдөлт мэдрэгдтэл 10 удаа шавшдаг. Анхаарах зүйл бол эхлээд нүүрээ цэвэрлэсэн байх ёстой. Нүүрний арьс хавдаж, унжаад байгаа юм шиг мэдрэмж ор мөргүй алга болдог.
ЗУРГАА: Арьсаа зүгээр л өөрөөр нь тайван байлга
Миний хамгийн шилдэг зөвлөгөө: Арьсаа ганцааранг нь үлдээ. Заавал нэг юм дээр нь түрхэх ёстой гэдэг бодлоо хаяад хааяа ч болов арьсаа амар тайван өөрөөрөө байх боломжийг өг. Ямар ч будаггүйгээр кокосын тос юм уу өөр ямар нэг цэвэр тос хааяа түрхээд явахад арьс маань маш гоё амардаг.