Мөр нь бэртэл гэмтлээс түрүүнд ажлын ачаалал, булчин чангарал, хөшсөнөөс болж өвдөх нь элбэг байдаг. Ийм үед дараах энгийн дасгалуудыг хийвэл даруй үр дүнг нь мэдрэх болно.
Дасгал 1
Сандлын ард хөлөө нугалахгүй цээжээрээ ялимгүй бөхийн түшлэгийг тулан зогсоно.
Эхлээд баруун гараараа тулан зүүн гараа сул унжуулна. Зүүн гараа цагийн зүүний дагуу дугуй хөдөлгөөнөөр 10 удаа зөөлөн эргүүлнэ. Дараа нь урагш хойш зөөлөн савлана. Баруун гараараа давтан хийнэ.
Энэ дасгалыг хийхдээ гараа өөрийнх нь аясаар л хөдөлгөх хэрэгтэй болохоос хүчилж хийх шаардлагагүй.
Дасгал 2
Газар өвдөглөн сууж амьсгалаа аваад гаргахдаа цээжээ хажуу тийш харуулан баруун мөрөөрөө газар тулан, баруун чих хацраараа газар хүргэн тэр талын гараа урагш чигээр нь сунгана. Зүүн гараа нуруун дээрээ авсан байна. Нэг минут энэ байрлалаа бариад нөгөө талдаа давтана.
Дасгал 3
- Цэх зогсон хоёр гараараа трапеци булчингаа атгана.
- Булчингаа атгасан чигээр тохойгоо аажмаар доошлуул.
- Дараа нь тохойгоо дээш өргөнө.
- Энэ дасгалыг 2-3 удаа давт.
Дасгал 4
Гарын уртын дөрөвний гурвын зайтай хана руу харан цэх зогсоно. Бэлхүүсний харалдаа байрлалаас эхлээд долоовор дунд хоёр хуруугаараа хана өгсүүлэн алхуулна. Гарыхаа сунаж хүрэх цэгт нь тултал явуулаад аажим доош буулгана. Энэ дасгалыг өдөрт 10-20 удаа давт.
Дасгал 5
Энэ дасгалын хувьд уян хатан материалаар өөрөө тууз хийж болох бөгөөд зориулалтын рекзин ч авч болно. Баруун талаараа хаалттай хаалганы харалдаа зогсоно. Дасгалын резинэн туузаар хаалганы бариулаас оосорлон гараа оруулан атгаад, тохойгоор нугалан дотогш татан 5 сек барина. Энэ үед 90 градусын өнцөг үүсгэх ёстой.10-15 удаа давтана.
Дасгал 6
Нуруугаа эгцлэн сандал дээр суу. Хоёр гараа ардаа ууцан дээрээ авчран нэг гараараа нөгөөг атгана. Ингээд атгасан чигээр аль болох дээшлүүлэх хэрэгтэй бөгөөд хамгийн эцсийн цэг дээр ирээд 5 секундын турш барь. Гар тус бүр дээр өдөрт гурван удаа гурван багц хий. Сунгах хугацааг 30-60 секунд хүртэл нэмэгдүүлнэ.
Дасгал 7
- Цэх зогсоно.
- Алчуурын нэг үзүүрийг барин баруун мөрөн дээгүүрээ давуулан нөгөө гараараа ард унжиж буй үзүүрийг барина.
- Урд гараараа алчуураа зөөлөн татаж эхлээд ард байгаа гараа аль болох дээш сунгах хэрэгтэй. Ингэж тулгаад хэдэн секунд барина. Гар тус бүрт 3-5 удаа давтана. Сунгах хугацааг 60 секунд хүртэл нэмэгдүүлж болно.
Дасгал 8
- Ширээний хажууд сандал тавин суугаад нэг гараа ширээн дээр тавьж, доош бөхийн гараа сунгана.
- Сунгалтыг хэдхэн секундын турш барь.Гар тус бүрт 3-4 удаа давтана.
Дасгал 9
Хоёрдугаар дасгалын нэг хувилбар гэж болно. Арагш сунгасан гараа урагш сунгаад л бусад нь яг адилхан
Дасгал 10
Доош харан хэвтээд, хоёр гараа биеэ дагуулан сунгана.Эрүүн доороо нь теннисний бөмбөг барьж байгаад амьсгалаа аваад эрүүгээрээ хавчина.Амьсгалаа гаргахдаа биеийнхээ дээд хэсгийг өргөж, хөлийнхөө хуруу руу гараа сунгана. Таны гар шалан дээр хүрэхгүй байх ёстой. Энэ байрлалыг 6 секундын турш бариад, 6 удаа давтана.
Эх сурвалж: brightside