Дэлхий нийтэд цар тахал тархасны улмаас хөл хорионд орсон иргэдэд хөдөлгөөний хомсдол үүсч болзошгүй байна. Хөл хоринод байгаа ч хөдөлгөөний идэвхтэй амьдралын хэв маягт хэвшвэл зохимжтой.
Annals of Internal Medicine-ээс хийсэн 2020 оны судлагаанд 187 орны 455,404 иргэн хамрагдсан бөгөөд алхалтын тоо нь дунджаар 27,3% -иар буурсан үзүүлэлт гарсан байна. Өдөрт явган алхахгүй байхын хор хөнөөлийг судлаачид ийн тогтоожээ.
Нас богиносно
Өдөржингөө суух нь эрүүл мэндэд муугаар нөлөөлөхөөс гадна таны насыг богиносгодог аж. Европын Зүрхний өвчин судлалын Нийгэмлэгээс 2019 онд хийсэн судалгаагаар 20 жилийн турш хөдөлгөөн багатай байх нь эрт нас баралтыг хоёр дахин нэмэгдүүлдэг гэжээ. Хөдөлгөөнтэй байх, алхах нь энэ эрсдэлийг бууруулна. BMJ Open– д хэвлэгдсэн 2012 оны судалгаагаар өдөрт суух цагийг гурав хүртэлх цагаар багасгаснаар дундаж наслалтыг хоёр жилээр нэмэгдүүлэх боломжтойг тогтоожээ.
Зүрх судасны өвчлөл нэмэгддэг
Зүрх судсаа эрүүл байлгах хамгийн тохиромжтой арга бол явган алхах юм. The Lancet сэтгүүлд хэвлэгдсэн 2012 оны судалгаагаар нийт зүрхний өвчлөлийн 6% нь хөдөлгөөний хомсдолоос үүдэлтэй болохыг тогтоожээ.
Хөхний хорт хавдрын эрсдэлийг нэмэгдүүлнэ
Хөхний хорт хавдар нь ойролцоогоор 8 эмэгтэй тутмын 1, 833 эрэгтэй тутмын нэгд нь тохиолддог бөгөөд ердийн алхалт гэх мэт өдөр тутмын дасгал хөдөлгөөн хийхгүй байх нь энэ эрсдэлийг нэмэгдүүлдэг.
2011 онд нийтлэгдсэн “Сүүлийн үеийн хорт хавдрын судалгаа”-аар хөдөлгөөний идэвхтэй эмэгтэйчүүд хөхний хорт хавдар тусах магадлал тун байга болохыг тогтоожээ. Хөдөлгөөн багатай амьдралын хэв маяг бүхий эмэгтэйчүүдтэй харьцуулахад эрсдэл нь 25% -иар бага байсан аж.
II хэлбэрийн чихрийн шижин өвчний эрсдэл нэмэгдэнэ
30 сая гаруй Америкчуудад тохиолдоод буй 2-р хэлбэрийн чихрийн шижин өвчнөөс амьдралын хэв маягаа өөрчлөх замаар урьдчилан сэргийлэх боломжтой. Хөдөлгөөний идэвхгүй амьдралын хэв маяг нь 2-р хэлбэрийн чихрийн шижингийн эрсдэлийг огцом нэмэгдүүлдэг.
2016 онд World Journal of Diabetes сэтгүүлд нийтлэгдсэн судалгаагаар өдөрт ердөө 30 минут алхах нь 2-р хэлбэрийн чихрийн шижин өвчнөөр өвчлөх эрсдэлийг 50% -иар бууруулдаг болохыг тогтоосон. Харин 2014 онд Medicine and Sport Science сэтгүүлд нийтлэгдсэн мета-анализаас үзэхэд байнгын хөдөлгөөнгүй, суугаа байдал нь тухайн өвчний эрсдэлийг 112% -иар өсгөдөг гэжээ.
Эх сурвалж: eatthis
