Реалити шоуны од Ким Кардашьян, рэпер Канье Уэст нар салахаар шийдсэн талаар эх сурвалжууд мэдээлж байна. Сүүлийн хэдэн сард хосууд тусдаа амьдарсан бөгөөд Уэст Вайоминг дахь гэртээ, харин эхнэр нь хүүхдүүдийнхээ хамт Калифорнид байсан аж. “Тэд сүүлийн хэдэн сар тусдаа амьдарч байна” гэж Кардашьян Уэстийн найз CNN-д ярьжээ.
“Тэдний салалтын талаарх мэдээлэл өнгөрсөн жилээс хойш яригдаж байлаа. Гэвч тэдний харилцаанд маргаан үүсээгүй бөгөөд хүүхдүүдийн асуудлаар бүрэн зохицсон” гэж мөн эх сурвалж мэдээлжээ. Кардашьян Уэст гэр бүлээ цуцлахаар өмгөөлөгч Лаура Вассерийг хөлсөлсөн гэсэн мэдээлэл гараад байна. Ким Кардашьян NBA-ийн тоглогч асан Крис Хамфрисаас салах үед түүний өмгөөлөгчөөр Вассер ажиллаж байсан аж.
Кардашьян Уэст өмнө нь хөгжмийн продюссер Дэймон Томастай гэрлэж байсан бол Канье Уэст дизайнер Алекс Фифертэй сүй тавьж байсан.
Кардашьян болон Канье Уэст нар 2012 оноос үерхэж эхэлсэн бөгөөд 2 жилийн дараа гэрлэж 4 хүүхдийн эцэг эх болсон юм. Хосууд хүнд хэцүү цаг үед бие биенээ дэмжиж байсан бөгөөд Канье Уэст “Талархал, аз жаргал нь миний эхнэр бөгөөд эдгээр зүйлс миний хувьд ямар утга учиртай болохыг хамгийн сайн тодорхойлдог” гэж бичиж байсан юм.
Уэст өмнө сэтгэцийн эрүүл мэнд, хоёр туйлт эмгэгийнхээ талаар олон нийтэд ярьж байсан аж. Түүний эхнэр 2019 онд Америкийн Vogue сэтгүүлд өгсөн ярилцлагадаа үүнийг “сэтгэл хөдлөлийн үйл явц” хэмээн нэрлэж байв.
CNN