Энэ мягмар гарагт дуучин Weeknd “After Hours ” цомогт багтсан “Save Your Tears” дууныхаа шинэ видеог хүргэлээ. Тэрээр уг клипээрээ шинэ дүр төрхөө шүтэн бишрэгчдэдээ харуулж, тэднийг гайхшруулав.
Хамар, ам, хацар гээд түүний нүүр бүхэлдээ өөрчлөгдсөн нь уг дөрвөн минутын бичлэгээс харагдана. Видеог гаргасны дараа The Weeknd инстаграм дээр тайлбаргүй селфи байршуулж, шинэ дүр төрхөө харуулав.
Шүтэн бишрэгчид нь The Weeknd-ийн гайхалтай өөрчлөлтийн талаар таамаг дэвшүүлж байсан ч Prosthetic Renaissance маке-ап студи инстаграм дээрээ энэ дүр төрх нь хиймэл зүйл болохыг баталжээ. Тэрээр 2020 онд “American Music Awards’”-аас шагнал хүртэхдээ нүүрээрээ битүү бooлттoй тайзан дээр гарч байсан юм.
Эх сурвалж: People.com