Цагаан будаа бол дэлхийн сая сая хүмүүсийн хоол хүнсний гол хэрэглээ юм. Цагаан будаатай харьцуулахад илүү сайн будааны төлөр бий юу? Америкийн Зүрхний Ассоциацийн мэдээлснээр ихэнх хүмүүс бүхэл үр тариаг цагаан будаа шиг цэвэршүүлсэн үр тарианаас илүү сайн сонголт гэж үзэж байна гэжээ.
Бор будаа нь
Бор будаа нь цагаан будаанаас илүү тэжээллэг чанартай бөгөөд эслэгийн агууламж өндөр аж. Нэг ширхэг тутамд 1-3 грамм илүү эслэг агуулдаг байна. Эслэг нь холестериныг бууруулах, цусан дахь сахарын хэмжээг зохицуулах, зүрхний өвчин тусах эрсдэлийг бууруулахад чухал үүрэг гүйцэтгэдэг. Магни, селен зэрэг тэжээллэг бодисууд нь бие олон төрлийн ашиг тустай бөгөөд эдгээрийг бор будаанаас авах боломжтой юм.
Харин цагаан будаа нь
Харин цагаан будааг витамин, эрдэс бодисоор баяжуулдаг. Цагаан будаа нь кальци, төмрийн агууламж өндөртэй. Мөн фолийн баялаг эх үүсвэр бөгөөд энэ нь цусны эс, уургийн нийлэгжилтэд шаардлагатай B бүлгийн аминдэм юм. Фолийн хэмжээг хангалттай хэмжээгээр авах нь жирэмсэн болон жирэмслэхээр төлөвлөж буй хүмүүст онцгой ач холбогдолтой юм.
Бор будаа нь цагаан будаанаас илүү тэжээллэг. Гэхдээ цагаан будаа нь дээр дурьдсан давуу талуудтай.
Зүрх судасны болон чихрийн шижин өвчний үед бор будаа илүү сайн сонголт байх болно.
Хэрэв эмч эслэг багатай хоол хүнс хэрэглэхийг зөвлөсөн эсвэл жирэмсэн бол цагаан будаа тохиромжтой юм.
Та аль төрлийн будааг сонгож буйгаас үл хамааран бусад олон төрлийн хоол хүнсээр тэнцвэржүүлэх нь эрүүл хооллолтын үндэс гэдгийг санаарай.
Эх сурвалж: healthdigest
