Чихрийн шижин өвчний үед тусгай хоолны дэглэм барьдаг бөгөөд хязгаарласан хүнс олон байдаг. Чихрийн шижин нь бие махбод дахь инсулины хангалтгүй үйлдвэрлэлээс үүдэлтэй эрүүл мэндийн ноцтой асуудал юм. Хөдөлгөөнгүй амьдралын хэв маяг, эрүүл бус хооллох зуршил, генетикийн эмгэг нь үүнд нөлөөлдөг.Зарим жимсийг чихрийн шижин өвчтэй хүмүүст тохиромжтой гэж үздэг тул хоолны дэглэмд тохирох хэмжээгээр оруулах хэрэгтэй.
1. Жүрж
Жүрж гэх мэт цитрус жимснүүд нь маш хүчтэй антиоксидант болох С аминдэмийг агуулдаг. Жүрж нь цусны даралт, цусан дахь сахар зэрэг бодисын солилцооны маркерийг хамгийн оновчтой түвшинд байлгах чадвартай, эслэгээр баялаг жимс юм.
2. Лийр
Лийрийн хальс нь тэжээллэг чанар сайтай, ялангуяа цусан дахь сахарын түвшинг зохицуулахад тустай гэж үздэг. Тиймээс үүнийг хальслах биш, угааж хэрэглээрэй.
3. Гуава
Энэхүү жимс нь тэжээллэг шинж чанартай байдаг. Энэ нь кали ихтэй, натри багатай. Гуава нь эслэг, С аминдэмээр баялаг бөгөөд гликемийн индекс багатай байдаг. Энэ нь өвлийн улиралд идэхэд тохиромжтой бөгөөд чихрийн шижингийн хоолны дэглэмд оруулах шилдэг сонголт юм.
4. Киви
Энэхүү жимс нь антибиотик ба үрэвслийн эсрэг үйлчилгээтэй. Мөн энэ нь хүнсний эслэгээр баялаг тул таны хоолны дэглэмд хамгийн сайн нэмэлт болно.
5. Алим
Жимс нь антоцианин хэмээх тусгай төрлийн антиоксидант агуулдаг бөгөөд энэ нь хүний биеийн бодисын солилцооны тэнцвэрийг сайжруулдаг. Ингэснээр цусан дахь сахарын хэмжээг зохицуулж, түүний түвшинг хадгалж чаддаг байна.
6. Усан үзэм
Усан үзэм бол цусан дахь сахарын хэмжээг зохицуулахад тустай өвлийн улиралд хэрэглэхэд тохиромжтой бас нэгэн жимс юм. Энэ нь ресвератрол хэмээх фитохимийн найрлагатай тул хүний инсулин ялгаруулах чадварыг сайжруулахад тусалдаг.
Анхааруулга: Улирлын чанартай эдгээр жимс нь чихрийн шижингийн хоолны дэглэмд маш сайн нэмэлт болох ч хэт хэрэглэж болохгүй. Ямар хэмжээгээр хэрэглэвэл тохиромжтой болохыг эмчтэйгээ зөвлөлдөнө үү.
Эх сурвалж: foodndtv