Нүүрээ угаах нь өдөр тутмын энгийн л зан үйл. Гэхдээ энэ нь арьс арчилгааны хамгийн чухал хэсэг юм. Нүүрээ буддаггүй ч угаах нь шороо, тосыг цэвэрлэх чухал хэсэг юм. Гэхдээ арьс арчилгааны мэргэжилтнүүдийн үзэж буйгаар нүүрээ олон дахин угаах нь хангалттай угаахгүй байхтай адил гэжээ.
Та нүүрээ зөв угаадаг уу, өдөрт хэдэн удаа угаадаг вэ?
Арьсны төрлөөс үл хамааран та өдөрт дор хаяж нэг удаа нүүрээ угаах ёстой. Орой нь өдрийн турш арьсан дээр тогтсон шороо, тоос, тос, бохирдол, будгийг арилгах хэрэгтэй.
Өглөө нь дахин угааж, цэвэрлэх үү үгүй юу гэдэг нь арьс арчилгааны мэргэжилтнүүдийн дунд маргаантай асуудал хэвээр байна. Тухайлбал “Нүүрний будаг, нарнаас хамгаалах тос гэх мэт арилгах зүйл байхгүй тул нүүрээ өглөө угаах шаардлагагүй” гэж гоо зүйч Афина Хьюетт үзэж байна. Тэрбээр “Бидний бие махбодоос ялгардаг байгалийн гаралтай тос нь арьсанд сайн нөлөөтэй. Энэ нь арьсыг гадны хүчин зүйлсээс хамгаалах анхны хамгаалалтыг бий болгодог” гэжээ.
Харин дерматологич, доктор Лоретта үүнтэй санал нийлэхгүй байна. Тэрбээр “орчны бохирдол, тос, дэрний уутанд хуримтлагддаг бохирдуулагчид, арьсыг цочроох бодисыг арилгахын тулд өглөө нүүрээ цэвэрлэх ёстой” гэжээ. Харин өглөө сэрэхэд таны арьс хуурайшиж, хогжрох мэдрэмж төрвөл цэвэрлэгээг алгасч болно.
Ерөнхийдөө өдөрт 2 удаа цэвэрлэхэд хангалттай.
Нүүрээ өдөрт хоёроос илүү удаа угаах шалтгаан нь далайд сэлэх, дасгал хийж хөлөрсний дараа хөлсийг цэвэрлэх явдал юм.
Нүүрээ өдөрт хоёроос олон удаа угаавал яах вэ?
Хэтрүүлж угаасан тохилдолд арьс ширүүн, хуурай мэдрэмж төрнө гэж Хьюетт хэлэв. “Энэ нь арьс хэт мэдрэмтгий болох, улайх, хуурайших шинж тэмдгээр илэрдэг” гэжээ.
Нүүрээ ахин дахин угаах нь хэрэглэж буй нүүр цэвэрлэгчнээс ихээхэн хамаарна. Энэ нь ихэвчлэн арьсыг үрж, ширүүн оргиулах цэвэрлэгч ашигласнаас болдог. Батгатай арьс цэвэрлэгч бүтээгдэхүүнүүд ихэвчлэн ийм байдаг. Энэ бол алдаа юм. Хэрэв арьсны бохирдол, тос нь арьс хуурайших, хагарах цаад шалтгаан бол үүнийг арилгах нь зүйтэй.
“Арьсны тослог ба чийгийн хэмжээ нь хоёр өөр хэмжилт юм. Тослог арьсанд мөн шингэний дутагдал, хуурайшил байж болно” гэж Киральд тайлбарлав. Нүүрээ угааж, цэвэрлэх нь таны арьсыг хуурайшуулах, улайлгах, хогжруулах ёсгүй. Цэвэрлэх процесс нь арьсыг цочроохгүй байх ёстой.
