Үс тань мэдэгдэхүйц их хэмжээгээр унаад байвал яах вэ?
Энэ нь ходоодны хямрал, эрүүл мэндийн шалтгаан, эмэнд үзүүлэх гаж нөлөө зэргээс үүдэлтэй байж болзошгүй юм. Шалтгааныг нь тогтоох чухал юм.
Үс унах нь эрүүл мэндийн хувьд дараах шалтгаантай
-Бамбай булчирхайн үйл ажиллагааны алдагдал болон бамбай булчирхайн бусад эмгэгүүд үс унахад хүргэдэг.
-Гормоны өөрчлөлт: жирэмсэн үед дааврын өөрчлөлтийн улмаас үс ихээр унадаг. Зарим эмэгтэйчүүдэд цэвэршилтийн дараа тохиолддог.
-Эмийн эмчилгээ: Хорт хавдар, цусны даралт ихсэх, сэтгэл гутралыг эмчлэх эм зэрэг олон эмийн гаж нөлөөгөөр үс унадаг.
Дунд насны эмэгтэйчүүдийн хувьд үс унахад нөлөөлдөг хэд хэдэн хүчин зүйлс бий.
20-30 насны залуу эмэгтэйчүүдийн хувьд үс уналт нь дараах шалтгаануудтай. Хэрэв таны үс мэдэгдэхүйц их хэмжээгээр унаад байвал эрүүл мэндийн суурь шалтгааныг оношилж, эмчид хандаарай.
Стресс: Үс унах, шингэрэх бас нэг шалтгаан
Судалгаагар үс уналтыг үүсгэдэг нэг гол хүчин зүйл бол стресс гэдгийг тогтоожээ. Энэ нь дунд насны эмэгтэйчүүдэд элбэг тохиолддог байна.
Mayo Clinic-ийн мэдээлснээр гурван төрлийн үс уналт нь стресстэй холбоотой байдаг.
-Үс шингэрч, сийрэг болох
-Хурууны өндгөн чинээ халцархай үүсэх
-Хэсэг газар халзрах
Стресс таны эрүүл мэндэд сөргөөр нөлөөлөхөөс гадна гоо сайханд ч мөн нөлөөлдөг байна. Тиймээс стресс бууруулах аргад суралцах нь үүний шалтгаант үс уналтаас сэргийлнэ.
Шим тэжээлийн дутагдал нь үс уналтад нөлөөлдөг
Зарим шинжээчид шим тэжээлийн дутагдал нь үс уналт, тэр дундаа миллениалуудын үс уналтад нөлөөлдөг гэжээ.
Махан хоол иддэггүй хүмүүс шим тэжээлийн дутагдал, төмрийн дутагдалд орох нь элбэг бөгөөд үүний үр дүнд үс уналт үүсдэг. Тиймээс хоол хүнсээрээ дамжуулан хангалттай хэмжээний шим тэжээлийг авч байх ёстой.
Эх сурвалж: healthguides.cnn