No menu items!
HomeОнцлох60-аас дээш насныхан жингээ хасахдаа анхаарах ёстой гурван зүйл

60-аас дээш насныхан жингээ хасахдаа анхаарах ёстой гурван зүйл

-

Шинжлэх ухааны үндэслэлтэй, эрүүл аргаар жингээ хасах талаар зөвлөгөөг хүргэж байна.

60-аас дээш насныханд хөгшрөлтийн хажуугаар зүрх судасны өвчин, цусны даралт ихсэх өвчин, үе мөчний өвчин гээд олон бэрхшээлүүд тулгардаг. Үүний гол үндэс нь жингийн илүүдэл гэдэгтэй та санал нийлэх байх. Тиймээс яаж жингээ хасах вэ гэж халширч ухраад байгаа бол үүнийг уншаарай.

Хоолны эрүүл зөв дэглэм барьж, нас, өөрийн биед тохирсон дасгал хийж  үүнийг амархан шийдэж болно.

Мацаг бариарай

Өглөөний хоол хамгийн чухал гэдэг ч 60-аас дээш насныхан 16/8 гэсэн хугацаагаар мацаг барих  хэрэгтэй. Энэ нь эрүүлжиж, биеийн жингээ хасахад тань тусална.

Польшийн судлаачдын нийтэлсэн нэг судалгаагаар зургаан долоо хоногийн завсарлагатай мацаг барих тэмцээнд оролцсон 60-аас дээш насны 45 эмэгтэйг авч үзжээ. Эмэгтэйчүүд тэр хугацаанд илүү дасгал хөдөлгөөн хийлгүй, энгийн амьдралын хэв маягаараа өнгөрүүлсэн байна.  Харин оройн 20 цагаас маргааш өдрийн 12 цаг хүртэл хоол идсэнгүй.

Судалгааны үр дүнд оролцогчийн биеийн жин дунджаар хоёр килограммаар буурсан байна. Мөн булчин, ясны жин буурахаас илүүтэйгээр өөх нь хасагджээ. Харин энэ хугацаанд эрүүл, хөнгөн зөв хоол сонгож, дасгал хөдөлгөөн хийвэл бүр илүү үр дүн гаргах нь тодорхой.

Илүү их уураг идээрэй

Хөгшрөх тусам хүмүүсийн бодисын солилцоо буурч байдаг. Тийм учраас таны идсэн нүүрс ус, цардуул элсэн чихэр биед тань хуримтлагдаж чихрийн шижин, зүрх судасны өвчин үүсгэх нь элбэг.

Илүү их уураг идсэнээр та бодисын солилцоогоо идэвхтэй байлгаж чадна.

Нүүрс ус нь биед амархан задарч өөх тос болон хуримтлагддаг. Харин уургийн эх үүсвэрүүд нь таны булчингийн гол тэжээл болж өгдөг.

Биеийн булчин өөх тосны харьцаа хэвийн байх тусам жингээ хасахад тань улам хялбар байх болно.

Сунгалтын дасгал сайн хийгээрэй

Хөгшрөх тусам хүний бие хөшиж, булчин шөрмөс нь уян хатан чанараа алддаг. Үүнээс болж хөдөлгөөн хязгаарлагддаг байна.

Өвдөг рүү хатгах, сандал дээрээс ухасхийгээд босч чадахаа болих зэргээс  л харж болно.

Сунгалтын дасгал жингээ хасахад туслахгүй ч жингээ хасах замыг тань засч өгдөг гэж ойлгоход болно.

Сунгалтын дасгал тогтмол хийснээр үе мөч, булчин шөрмөсний хөшүүн хатуу байдал арилж уян хатан болдог. Уян хатан байх тусам хөдөлгөөн хөнгөн, хурдан шалмаг байж чадна.

Долоо хоногийн таван өдөрт нь л дунд зэргийн ачаалал өгөх дасгал хийгээд байхад дэлхий дээрх 3.2 сая эрт нас баралтаас сэргийлэх боломжтой гэж үздэг.

Манай монголчуудын “Хүн хөгширч үхдэггүй, хөшиж үхдэг “ гэдэг үг үнэхээр үнэн ажээ.

Эх сурвалж: Fitandwell

шинэ мэдээ

ХОМ: Үндэсний эвслийн жагсаалтыг тэргүүлэгч Н.Номтойбаяр ₮1.5 тэрбумын барилга байгууламжтай

Нэр дэвшигчдийн хөрөнгө орлогын мэдүүлгийн хураангуйг АТГ-аас өнөөдөр танилцуулав. УИХ-ын 2024 оны ээлжит сонгуульд хоёр эвсэл байгаагийн нэг нь Үндэсний эвсэл юм. Тус эвслийн жагсаалтаар нэр...

ХОМ: Х.Баттулга 267 сая төгрөгийн орлоготой

УИХ-ын 2024 оны ээлжит сонгуульд нэр дэвшигчдийн хөрөнгө орлогын мэдүүлгийн хураангуйг АТГ-аас танилцуулав. Ерөнхийлөгч асан Х.Баттулга 2024 оны УИХ-ын сонгуулийн 4-р тойрогт нэр дэвшиж буй....

ХОМ: Ерөнхий сайд Л.Оюун-Эрдэнийн жилийн орлого 244 сая төгрөг

АТГ-аас УИХ-ын сонгуульд нэр дэвшигчдийн хөрөнгө орлогын мэдүүлгийг олон нийтэд нээллтэй тавьжээ. Монгол Улсын Ерөнхий сайд, МАН-ын дарга Л.Оюун-Эрдэнэ УИХ-д гурав дахь удаагаа нэр дэвшиж...

ХОМ: Хөрөнгийн хэмжээгээр эхний аравт бичигдэж буй нэр дэвшигчид

Хуулийн дагуу УИХ-ын сонгуульд нэр дэвшигчид хөрөнгө орлогоо АТГ-т мэдүүлдэг. Тус газраас УИХ-ын 2024 оны сонгуульд нэр дэвшигчдийн хөрөнгө орлогыг нийтэд ил болгожээ.Үүнээс хөрөнгийн хэмжээгээр...

трэнд