No menu items!
HomeОнцлохХүүхдээ зодохгүйгээр хүмүүжүүлэх 8 арга

Хүүхдээ зодохгүйгээр хүмүүжүүлэх 8 арга

-

Хүүхдийг зодох нь эцэг эхчүүдийн хамгийн өргөн хэлэлцдэг сэдэв юм. Ихэнх хүүхдийн эмч, мэргэжилтнүүд цохихыг зөвлөдөггүй. Гэвч дэлхийн өнцөг булан бүрт байгаа эцэг эхчүүдийн дийлэнх нь хүүхдээ ганц нэг цохиход зүгээр гэж боддог.

Олон эцэг эхчүүдийн хувьд цохих нь хүүхдийн зан төлөвийг өөрчлөх хамгийн хурдан бөгөөд үр дүнтэй арга мэт санагддаг. Энэ нь ихэвчлэн богино хугацаанд үйлчилдэг. Гэсэн хэдий ч судалгаагаар бие махбодийн шийтгэл нь хүүхдүүдэд урт хугацааны  дараа сөрөг үр дагавар авчирч байгааг харуулж байна. Та хүүхдээ зодолгүйгээр хүмүүжүүлэх арга хайж байгаа бол эдгээр найман аргатай танилцаарай.

1.Завсарлага

Хүүхдэд зүй бусаар авирлах (ялангуяа түрэмгийлэл) нь “сөрөг” мессеж илгээдэг. Таны хүүхэд яагаад намайг цохиод байгаа юм бэ, харин дүүд яагаад болохгүй хэлж байгаа юм гэх мэтээр гайхаж эхэлдэг. Хүүхдэд юу ч хэлэлгүй зүгээр л орхи. Түүнд завсарлага өгөх нь илүү сайн сонголт юм. Энэ нь хүүхдүүдэд өөрийгөө хэрхэн тайвшруулахыг заадаг бөгөөд ашиг тустай чадвар болон үлдэнэ.

Гэхдээ тайм-аут үр дүнтэй байхын тулд хүүхдүүд эцэг эхтэйгээ хамт олон цагийг эерэг байдлаар өнгөрөөх хэрэгтэй. Дараа нь асуудал гарахад тэд өөрийгөө зохицуулж, сэтгэл хөдлөлөө зохих ёсоор илэрхийлж, ирээдүйд өөр сонголт хийж сурах болно.

2. Давуу эрхээ алдах

Таны зорилго хүүхдээ хүлцэнгүй байлгаж, шийтгэх биш харин ирээдүйдээ илүү сайн сонголт хийж сурахад нь туслах явдал юм. Гэхдээ энэ нь дадлага шаарддаг. Хэрэв тэд буруу сонголт хийвэл үр дагаварт нь олон боломжийг алдах болно гэдгийг заа.

Ихэнхдээ хүүхдүүд алдаанаасаа сурахад  24 цаг хангалттай байдаг. Тиймээс та “Та өдрийн турш зурагт үзүүлэхгүй, гэхдээ надаас тоглоомоо маргааш буцааж олох боломжтой” гэж хэлээрэй.

3. Үл тоомсорлох

Үл тоомсорлох нь цохихоос илүү үр дүнтэй. Хүүхэд тань уйлагнах, гомдоллох зэргээр анхаарлыг татах гэж байгаа бол түүнд бүү нүүр өг. Эсрэгээр нь тэднийг сонсохгүй байгаа дүр үзүүлээд хариу өгөхгүй байгаарай. Цаг хугацаа өнгөрөхөд тэд эелдэг болж, биеэ авч явах байдал өөрчлөгдөнө.  

4. Шинэ ур чадварт сургах

Зодоход хүргэдэг гол шалтгаануудын нэг бол хүүхдэд хэрхэн биеэ зөв авч явахыг заахгүй байх явдал юм. Хүүхэд тань уурлах үед түүнийг цохих нь дараа дараагийн бухимдал үүсэхэд хэрхэн тайвшрахыг заахгүй.

Асуудлыг хэрхэн шийдэж, сэтгэл хөдлөлөө зохицуулж, харилцан буулт хийхийг сурч мэдсэнээр хүүхдүүд үр шимийг нь хүртдэг. Тиймээс шийтгэх бус заахад чиглэсэн сахилга батыг ашигла.

5. Логик үр дагавар

Логик үр дагавар нь зан үйлийн тодорхой бэрхшээлтэй тулгарч буй хүүхдүүдэд туслах гайхалтай арга юм. Логик үр дагавар нь ёс суртахуунгүй байдалтай холбоотой байдаг.

Жишээлбэл, хэрэв таны хүүхэд оройн хоолоо идэхгүй бол унтахаасаа өмнө хөнгөн зууш /жимс, чихэр гэх мэт дуртай зүйлээ/ идэж болохгүй. Эсвэл хичээл хийхээс татгалзвал тэдэнтэй хамт өдрийн турш тоглохыг бүү зөвшөөр. Үр дагаврыг зан үйлийн асуудалтай шууд холбож өгөх нь хүүхдүүдийн сонголтод нөлөөлж, ойлгоход тусалдаг.

6. Байгалийн үр дагавар

Энэ нь хүүхдүүдэд өөрсдийн алдаанаас суралцах боломжийг олгодог. Жишээлбэл, хэрэв таны хүүхэд хүрэм өмсөхгүй гэж байгаа бол гадаа гаргаж ямар байгааг үзүүл. Гэхдээ эелдгээр хэлээд гаргана шүү. Нөхцөл байдлыг мэдрүүлэх нь таны хүүхдэд ямар нэгэн бодит аюулыг харуулж байгаа юм.

7. Шагнал

Хүүхэд буруу зүйл хийснийх нь төлөө цохихын оронд сайн зан авирыг нь үнэлээрэй. Жишээлбэл, хэрэв таны хүүхэд ах дүү нартайгаа байнга зодолддог бол тэднийг илүү сайн ойлголцоход нь урамшуулах зорилгоор шагналын системийг бий болго.

Биеэ авч явахад туслах хөшүүргийг бий болгосноор буруу авирыг хурдан арилгаж болно. Муу байгааг нь байнга дурдахын оронд хийсэн сайн зүйлсийг нь ярьж шагнаарай.  Энэ нь хүүхдэд давуу эрх олохын тулд юу хийх ёстой вэ гэдэгт анхаарлаа төвлөрүүлэхэд тусалдаг.

8. Сайн зан авирыг магтан сайшаа

Хүүхдийг сайшааж асуудлаас урьдчилан сэргийлэх хэрэгтэй. Жишээлбэл, тэд дүү нартайгаа сайхан тоглож байхад нь үүнийг онцол. “Өнөөдөр үнэхээр сайн байна. Дараа гэрийн ажил хийхдээ яг үүн шиг эвтэй байгаарай” гэх мэтээр. Мөн олон хүн дунд байхад найз нарынх нь болон өөрийг сайн талыг магт. Ганцхан өөрийг нь биш.

Эх сурвалж: verywellfamily

Г.Жаргал
Г.Жаргал
Zaag.mn сайтын редактор

шинэ мэдээ

ХОМ: Үндэсний эвслийн жагсаалтыг тэргүүлэгч Н.Номтойбаяр ₮1.5 тэрбумын барилга байгууламжтай

Нэр дэвшигчдийн хөрөнгө орлогын мэдүүлгийн хураангуйг АТГ-аас өнөөдөр танилцуулав. УИХ-ын 2024 оны ээлжит сонгуульд хоёр эвсэл байгаагийн нэг нь Үндэсний эвсэл юм. Тус эвслийн жагсаалтаар нэр...

ХОМ: Х.Баттулга 267 сая төгрөгийн орлоготой

УИХ-ын 2024 оны ээлжит сонгуульд нэр дэвшигчдийн хөрөнгө орлогын мэдүүлгийн хураангуйг АТГ-аас танилцуулав. Ерөнхийлөгч асан Х.Баттулга 2024 оны УИХ-ын сонгуулийн 4-р тойрогт нэр дэвшиж буй....

ХОМ: Ерөнхий сайд Л.Оюун-Эрдэнийн жилийн орлого 244 сая төгрөг

АТГ-аас УИХ-ын сонгуульд нэр дэвшигчдийн хөрөнгө орлогын мэдүүлгийг олон нийтэд нээллтэй тавьжээ. Монгол Улсын Ерөнхий сайд, МАН-ын дарга Л.Оюун-Эрдэнэ УИХ-д гурав дахь удаагаа нэр дэвшиж...

ХОМ: Хөрөнгийн хэмжээгээр эхний аравт бичигдэж буй нэр дэвшигчид

Хуулийн дагуу УИХ-ын сонгуульд нэр дэвшигчид хөрөнгө орлогоо АТГ-т мэдүүлдэг. Тус газраас УИХ-ын 2024 оны сонгуульд нэр дэвшигчдийн хөрөнгө орлогыг нийтэд ил болгожээ.Үүнээс хөрөнгийн хэмжээгээр...

трэнд