No menu items!
HomeЗөвлөгөөДасгал хөдөлгөөн хийж байхдаа хангалттай хэмжээний ус уух 9 шалтгаан

Дасгал хөдөлгөөн хийж байхдаа хангалттай хэмжээний ус уух 9 шалтгаан

-

Олон хүмүүс дасгал хөдөлгөөн хийх үедээ болон дараа нь ус уух нь муу гэж боддог. Харин эрдэмтэд, мэргэжлийн тамирчид эсрэгээрээ биед шаардлагатай чийгшлээс хасах ёсгүй гэж үздэг.

Дасгал хийсний дараа ус уухгүй бол таны биед юу тохиолдох вэ?

Арьсны хөгшрөлт түргэснэ

Спорт, дасгал хөдөлгөөн нь арьсыг залуужуулах үйлчилгээтэй болох нь батлагдсан. Арьсны цусны урсгалын ачаар эсүүд хүчилтөрөгчөөр баяжиж, коллагены нийлэгжилт нэмэгдэж, үрчлээс багасдаг. Цусны урсгалыг сайжруулахын тулд биед шаардлагатай хэмжээний шингэн хэрэгтэй.

8. Өөх тос биш шингэн алддаг

Дасгал хийж байхдаа ус уухгүй байх нь жин хасахад тусална гэдэг бол ташаа ойлголт юм. Дасгал хийх нь жин хасахад үр дүнтэй арга. Харин дасгал хийж байхдаа ус уухгүй байх нь илүүдэл өөхөө алддаггүй, харин шингэнээ алддаг. Усны дутагдал нь өөхийг р дүнтэй шатаах боломжийг үгүй хийдэг. Шингэн дутагдсанаар эсийг хүчилтөрөгчөөр баяжуулдаг хэвийн цусны эргэлт удааширдаг.

7. Хорт бодисууд бидний биед үлддэг

Биеийн тамирын дасгалын үед бие дэх хорт бодис хөлсөөр дамжин гадагшилдаг. Бие махбодоо хангалттай усаар хангаж чадахгүй бол хөлрөх нь багасч ихэнх хорт бодис биед үлдэх болно.

6. Дасгалын үр дүн буурна

Эрдэмтэд шингэн алдалт нь дасгалын үр дүнд сөргөөр нөлөөлдөг гэж үздэг. Хэрэв та шингэний 5% -ийг алдвал дасгалын үр дүн 30% -иар буурна. Хэрэв та шингэнийхээ 2% -ийг алдвал өөх шатаах, булчингийн хөгжилд үр дүнгүй.

5. Булчингийн өвдөлт мэдэрнэ

Булчингийн өвдөлт нь идэвхитэй дасгал хийсний дараа мэдрэгддэг. Үүнийг бие булрах ч гэж ярьдаг. Хэрэв хангалттай ус уухгүй бол энэ өвдөлт ганц хоёр хоногоос илүү удаан үргэлжилж магадгүй юм.

4. Зүрхний ачаалал нэмэгддэг

Хангалттай хэмжээний шингэн хэрэглэдэггүй бол цус өтгөрч, судас агшдаг. Үүний үр дүнд зүрхний ачаалал нэмэгддэг. Энэ нь тахикарди, амьсгал давчдах, цусны даралт ихсэхэд хүргэж болзошгүй юм.

3. Хаван үүсдэг

Дасгал хөдөлгөөн хийх үедээ хангалттай хэмжээний ус уухгүй бол хаван үүсдэг. Бие нь шингэний алдагдлыг мэдэрч эхэлдэг бөгөөд үүний үр дүнд нүдний доод зовхи цэлхийх, хар хүрээ үүсэх зэрэг шинж илэрнэ.

2. Төвлөрөл буурч, ядаргаа нэмэгддэг

Та ердөө 1-2% шингэнээ алдахад төвлөрөл, анхаарал буурч, хурцадмал байдал, ядаргаа нэмэгддэг. Энэ нь байнгын ядаргаа, сэтгэлийн хямралыг нэмэгдүүлдэг.

1. Хоолны дуршил нэмэгдэж, илүү их иднэ

Бид ихэвчлэн өлсөх мэдрэмжийг цангалттай андуурдаг. Тиймээс дасгал хийж байхад өлсөх мэдрэмж төрж байвал энэ нь таны биед ус хэрэгтэй байгааг илтгэнэ.

Дасгалын үеэр ямар хэмжээний ус уух ёстой вэ?

15-20 минут тутамд 5-8 фл унц (150-250 мл) ус уухыг зөвлөж байна. Уух усны хэмжээ нь дасгалын эрч хүчээс хамаарна. Эрдэмтэд биеийн үндсэн температурыг тэнцвэртэй байлгахын тулд бүлээн биш хүйтэн ус уух хэрэгтэй гэж үздэг. 

Эх сурвалж: Brightside

шинэ мэдээ

ХОМ: Үндэсний эвслийн жагсаалтыг тэргүүлэгч Н.Номтойбаяр ₮1.5 тэрбумын барилга байгууламжтай

Нэр дэвшигчдийн хөрөнгө орлогын мэдүүлгийн хураангуйг АТГ-аас өнөөдөр танилцуулав. УИХ-ын 2024 оны ээлжит сонгуульд хоёр эвсэл байгаагийн нэг нь Үндэсний эвсэл юм. Тус эвслийн жагсаалтаар нэр...

ХОМ: Х.Баттулга 267 сая төгрөгийн орлоготой

УИХ-ын 2024 оны ээлжит сонгуульд нэр дэвшигчдийн хөрөнгө орлогын мэдүүлгийн хураангуйг АТГ-аас танилцуулав. Ерөнхийлөгч асан Х.Баттулга 2024 оны УИХ-ын сонгуулийн 4-р тойрогт нэр дэвшиж буй....

ХОМ: Ерөнхий сайд Л.Оюун-Эрдэнийн жилийн орлого 244 сая төгрөг

АТГ-аас УИХ-ын сонгуульд нэр дэвшигчдийн хөрөнгө орлогын мэдүүлгийг олон нийтэд нээллтэй тавьжээ. Монгол Улсын Ерөнхий сайд, МАН-ын дарга Л.Оюун-Эрдэнэ УИХ-д гурав дахь удаагаа нэр дэвшиж...

ХОМ: Хөрөнгийн хэмжээгээр эхний аравт бичигдэж буй нэр дэвшигчид

Хуулийн дагуу УИХ-ын сонгуульд нэр дэвшигчид хөрөнгө орлогоо АТГ-т мэдүүлдэг. Тус газраас УИХ-ын 2024 оны сонгуульд нэр дэвшигчдийн хөрөнгө орлогыг нийтэд ил болгожээ.Үүнээс хөрөнгийн хэмжээгээр...

трэнд