Бие махбод бидэнд дохио өгдөг. Биеийн эрүүл мэнд сэтгэцийн эрүүл мэндтэй холбоотой байдаг. Сөрөг мэдрэмжээсээ ангижраагүй цагт эрүүл мэндийн асуудлуудтай тулгарах тохиолдол бий. Эрүүл мэндийн асуудал үүсгэж болзошгүй сөрөг сэтгэл хөдлөлүүдийн талаар доор дурьдав.
Айдас нь харшил, арьсны үрэвслийг үүсгэдэг
Зарим судлаачид нийтлэг харшлын эмгэгийг сэтгэцийн эрүүл мэндтэй холбоотой гэж үздэг. Экзем, өндөр халууралт, астма нь сэтгэцийн өвчний улмаас үүсдэг. Айдас, түгшүүр нь харшлын шинж тэмдгийг өдөөдөг байна.
Санаа зовох нь биеийн жинтэй холбоотой асуудлуудыг өдөөж болно
Биеийн жиндээ хэт их анхаарал хандуулснаас асуудлууд үүсдэг. Улмаар үрчлээ, жижиг хөх, биеийн бусад хэсгүүдэд хэт санаа зовж магадгүй.
Айдас ба санаа зовнил нь олон өвчний шинж тэмдгийг нэгэн зэрэг үүсгэдэг
Айсан хүнд аргал хөдөлж үзэгдэнэ гэдэг. Тэгчих вий, ингэчих вий гэж үргэлж санаа зовсон бодлууд нь тухайн зүйлийг дуудаж байдаг. Бодол биелэлээ олно ч гэдэг.
Бэрхшээлийг хэтрүүлэн үнэлэх нь тухайн зүйлийг хүндрүүлж орхидог.
Сэтгэл хөдлөлийн зөрчил, стресс нь хоол боловсруулах эрхтний эмгэгийг өдөөж болно
Ходоод, ходоодны үрэвсэл нь сэтгэл хөдлөлийн зөрчилдөөнөөс үүдэлтэй байж болно. Мөн стрессийг бий болгодог. Хүнд хэцүү нөхцөл байдлаас гарах арга замыг олох чадваргүй байдал нь сэтгэзүйн эрүүл мэнд цаашлаад биеийн эрүүл мэндэд нөлөөлдөг.
Өөрийгөө хэт шүүмжлэх нь толгой өвдөх, мигрень үүсэх шалтгаан болдог
Өөрийгөө шүүмжлэх, өөрийгөө үнэлэх чадваргүй байдал, дотоод айдас зэрэг нь байнгын санаа зовнил, стресст оруулах шалтгаан болдог.
Өөрийгөө хэт шүүмжлэх, олон зүйл бодож шаналах нь бие махбодийн бусад асуудлуудыг үүсгэдэг.
Сэтгэлийн хямрал нь зүрхний өвчнийг өдөөдөг
Сэтгэлийн хямрал, сэтгэлийн түгшүүр удаан үргэлжлэх нь зүрхний титэм судасны өвчний эрсдлийг нэмэгдүүлдэг. Сэтгэлийн хямрал нь зүрхний үйл ажиллагаанд сөргөөр нөлөөлдөг.
Brightside