Элсэн чихэр бол олон мянган жилийн турш хүний хоол хүнсний нэг хэсэг болсон байгалийн гаралтай орц юм. Олон төрөл байдаг боловч бор болон цагаан сахар нь хамгийн түгээмэл хэрэглэгддэг. Доорх нийтлэлд бор ба цагаан сахарын ялгааг харьцууллаа.
Шим тэжээлийн ялгаа
Цагаан ба бор элсэн чихэр нь хоёулаа чихрийн нишингээс гаргаж авсан гэдгээрээ хоорондоо төстэй.
Шим тэжээлийн хувьд ялгаа нь бор сахар кальци, төмөр, калийн агууламж арай өндөртэй байдаг. Гэхдээ витамин, эрдэс бодисын хангалттай эх үүсвэр болж чадахгүй.
Бор сахар нь цагаан сахараас арай бага илчлэг агуулдаг. Нэг халбага (4 грамм) бор сахар нь 15 калори /илчлэг/ агуулдаг бол ижил хэмжээний цагаан сахар нь 16.3 калори илчлэг агуулдаг.
Эдгээр ялимгүй ялгаанаас бусдаараа шим тэжээлийн хувьд төстэй. Гол ялгаа нь амт болон өнгө юм. Бор сахар нь цагаан элсэн чихрээс арай илүү эрдэс бодис агуулдаг бөгөөд бага илчлэгтэй. Шим тэжээлийн хувьд тийм ч их ялгаа байхгүй.
Үйлдвэрлэлийн ялгаа
Элсэн чихрийг халуун оронд ургадаг чихрийн нишингэ болон чихрийн манжингаас гаргаж авдаг. Бор, цагаан элсэн чихэр гарган авах арга нь ялгаатай.
Чихрийн нишингэ болон чихрийн манжингийн шүүсийг гарган авч, цэвэршүүлэн бор өнгийн бурам үүсгэдэг. Дараа нь элсэн чихрийн талст үйлдвэрлэдэг. Гаргаж авсан чихрийн талстуудыг Центрифуг гэх эргэлддэг төхөөрөмжийн тусламжтайгаар ялгаж, ширхэгтэй цагаан элсэн чихэр бий болдог. Бор сахар нь байгалийн өнгөө хэвээр нь хадгалахын тулд арай бага боловсруулалт хийгддэг.
Хоолны хэрэглээ
Цагаан ба бор сахарыг хоол хийхэд янз бүрийн аргаар ашиглаж болно. Хольж ашиглаж болох боловч хоолны өнгө, амт, бүтцэд нөлөөлж болзошгүй юм.
Бор сахар дахь бурам нь чийгийг сайн хадгалдаг бөгөөд гурилан бүтээгдэхүүн хийхэд ашигласнаар илүү зөөлөн боловч зузаан гурилтай болно.
Жишээлбэл, бор сахар хийсэн гурилан бүтээгдэхүүн хөөлт муутай, зузаан гурилтай, зөөлөн бол цагаан сахараар хийсэн гурилан бүтээгдэхүүн илүү сэвсгэр болдог.
Тиймээс цагаан сахарыг нь хөөлт сайтай нарийн боов, сэвсгэр гурилан бүтээгдэхүүн зэрэгт хэрэглэдэг. Харин бор сахарыг цуккини талх, жигнэмэг, шарсан сүмс, шорлогний соус зэрэгт ашигладаг.
Цагаан ба бор сахарын гол ялгаа нь амт болон өнгө юм.
Цагаан сахарыг бор сахараар солих нь хоол хүнсний өнгө болон амтанд нөлөөлдөг. Бор сахарыг хүнсэнд хэрэглэхэд илүү карамель болон ирис шиг амттай болдог. Тиймээс шоколадтай жигнэмэг, жимстэй бялуунд тохиромжтой.
Алийг нь сонгох вэ?
Цагаан болон бор сахарыг сонгох нь амт, өнгөний ялгаатай байдлыг үүсгэх бөгөөд алийг нь хэрэглэх нь хувийн сонголтоос хамаарна. Эдгээр нь эрүүл мэндэд ижил төстэй нөлөө үзүүлдэг.
Бор сахар нь цагаан сахараас илүү эрдэс бодис агуулдаг боловч эдгээр нь эрүүл мэндэд төдийлөн ач холбогдолгүй.
Хамгийн чухал зүйл бол сахарын их хэрэглээ нь таргалалт, чихрийн шижин, зүрхний өвчний гол шалтгаан болдог гэж үздэг тул өдөр тутамд авах илчлэгийнхээ 5-10% -иас хэтрэхгүй хэмжээгээр элсэн чихэр нэмж хэрэглэхийг зөвлөж байна.
Healthline
