Эрүүл байх гэхээр та хавдраас сэргийлэх, дархлаажуулах, гараа угаах гэх мэт олон арга замын талаар бодож болно. Мөн эрүүл дадал зуршлыг дагаж, хэвшүүлэх нь чухал. Сүүлийн үед дэлхий даяар ард иргэдийнхээ эрүүл мэндэд ихээхэн анхаарах болсон. Тиймээс өөрөөс тань шалтгаалах зүйлсүүд мэдээж бий.
Зөв хооллох
Тогтмол цагт бага багаар ид. Энэ нь зөв хооллолтын үндсэн зарчим юм. Хоногийн хоолны илч бие махбодийн энерги зарцуулалтыг хангах ёстой. Хоногт уураг 60-75 гр, өөх тос 80-100 гр, нүүрс ус 350-450 гр байвал зохимжтой. Нийт хоолны 30 хувийг өглөө, 45 хувийг өдөр, 25 хувийг орой идвэж байгаарай.
Хөдөлгөөнтэй байх
1973 онд Чикагогийн их сургуулийн эрдэмтэд хөгширөлтийн гол шалтгаан нь эс хоорондын зайд аажмаар тунаж үлдсэн шаар болохыг тогтоосон байна. Ямар ч насны хүн биеэ чийрэгжүүлэх, хөдөлмөрийн чадвараа дээшлүүлэх, эд эрхтэнээ хөдөлгөөнд оруулах дасгалууд хийж байх ёстой. Харин огцом бус аажмаар хийж сурах хэрэгтэй байдаг.
Муу зуршил
Муу зуршилаас хүч сулрал, өвчин шаналан эхэлдэг. Муу зуршил энергийг хорогдуулж, организмыг доройтуулдаг. Тиймээс хорт зуршлаас салах хэрэгтэй.
Ус уух
Бид өдөр тутам хангалттай хэмжээний усыг уудаггүй. Ямар нэг амттай зүйл эсвэл давстай зүйл идмээр санагдах үед ус ууж байгаарай. Тархины эд эсүүдийн 80% нь уснаас бүрддэг ажээ. Ус нь зөөлөвч адил ажиллаж тархины эсүүдийг механик нөлөөнөөс хамгаалдаг, мөн бодисын солилцоог дэмждэг.
Уураа барьж сурах
Уурлаж буй хүн хөмсгөө зангидаж, шүд зууж, биеийн булчингууд чангарч нүүр нь улайдаг. Ингэж уурлаж бухимдсан хүн хэвийн байдалдаа ороход урт хугацаа зарцуулагдана. Уурлаж буй хүний зүрхний цохилт хурдсаж, стрессийн даавар нэмэгдэж, цусны даралт ихэсдэг. Хэрвээ уур чинь хүрээд байвал 10 хүртэл тоол. Тоолох бүртээ гүн амьсгаа аваарай. Энэ нь тухайн уур хүргэж буй эд зүйлс болон хүнээс сатаарахад хэрэг болно.
