Орц:
- 800 гр жигнэмэг
- 100 гр самар
- 200 гр элсэн чихэр
- 60 гр какао
- 240 мл ус
- 150 гр цөцгийн тос
- 1 халбага ванилийн охь
- 125 гр whipping крем
- 125 гр хар шоколад
Хийх арга: Жигнэмгээ жижиг хэсэг болгож саванд хийнэ. Дараа нь 100 гр самараа зөөлөн гал дээр 5 минут орчим халаагаад жигнэмэг дээрээ нэмнэ. Элсэн чихэр какао хоёроо хооронд нийлүүлж хутгаад дээрээс нь бага багаар усаа хийж зуурмаг болгоно. Бэлдсэн зуурмагтаа цөцгийн тосоо хийж бага гал дээр 7-8 орчим буцалгаад авна. Зуурмагаа 10 минут хөргөөд ванилийн охь нэмнэ. Ингээд самартай жигнэмэг дээрээ зуурмагаа хийж жигд тарааж өгнө. Бэлэн болсон бэлдцээ дараа нь авахад амар саванд хийж хөргөгчид нэг цаг байлгана. Бэлдцийг савандаа нягтартал сайтар дарж өгөөрэй. 125 гр кремээ бага гал дээр халааж байгаад хар шоколадаа нэмнэ. Нэг цаг байлгасан кейкс дээрээ шоколадаа түрхээд торт бэлэн болно. Кремд дургүй хүн байх юм бол хар шоколадаа хайлуулаад чимэглээд идсэн ч болно.
Эх сурвалж: homecookingadventure
