Хүмүүс олон мянган жилийн турш, тогтмол йогоор хичээллэхийн давуу талыг мэдэрсээр иржээ. Өнөө үед хүмүүс бие махбодийн болон сэтгэлийн зовиураа эдгээх зорилгоор йогоор хичээллэж байна.
Йог нь хүч чадал, тэнцвэртэй байдал, уян хатан чанарыг сайжруулах давуу талуудтайгаас гадна үе мөчний үрэвсэл, стресс, нуруу, ходоодны өвчин зэргийг арилгахад тусалдаг. (Жон Хопкинсын анагаах ухаанд үндэслэв). Йогийн ашиг тусыг хүртэхийн тулд долоо хоногт дор хаяж хоёроос гурван удаа, нэг удаад нэг цаг ба түүнээс дээш хугацаагаар хийхийг зөвлөж байна. Мөн йогийн зарим өвөрмөц дасгалууд нь өвчний зовиурыг тэр даруй арилгах боломжтой байдаг ( Yoga Journal-д бичигджээ).
Бүр тодруулбал, ходоодны өвчнөөс болоод зовж шаналж буй хүмүүс пробиотик ба зарим хоол хүнсээр дамжуулан хоол боловсруулах системээ зохицуулдагтай адил йогоор дамжуулан үр шимийг хүртэх боломжтой юм.
Хийнээс ангижрах йог
Та гэдэс өвдөх, хийгээр дүүрсэн үедээ уг йогийг хийснээр тодорхой хэмжээгээр тайвшрах болно. Үүнийг хийхийн тулд дээш харан хэвтээд хоёр өвдөгөө цээжиндээ тэвэрнэ. Үр нөлөөг сайжруулахын тулд гүнзгий амьсгаа аваарай. Энэхүү поз нь хийг гадагшлуулах тул өөрийн гэртээ, тухтай газар байсан нь дээр.
Энэ нь гэдэсний дүүрэнг арилгахаас гадна ташааны үений цусны эргэлтийг нэмэгдүүлж, нурууны өвдөлтийг багасгаж, хэвлий ба нурууны булчинг бэхжүүлдэг.
Йогийн дасгал 2
Энэ нь гэдэсний дүүрэнг арилгах, хий хөөх, өтгөн хатахаас сэргийлэх үйлчилгээтэй. Үүнийг хийхийн тулд зориулалтын дэвсгэр дээр дээш харан хэвтээд, өвдөгөөрөө хөлөө нугалан дээш татаад, бэлхүүс хэсгээрээ хагас эргэнэ. Гар ямар байрлалд байгааг зурагнаас сайн хараарай.
Уг йог нь гуя, нуруунд эерэг нөлөөтэйгөөс гадна нугасны уян хатан чанарыг сайжруулах, доод хэсгийн нурууны өвдөлтийг намдаах зэрэг олон давуу талтай.
Йогийн дасгал 3
Хэт их хоол идсэн эсвэл гэдэс базлах зовиуртай байгаа үед уг дасгал танд тус болно. Ходоодны түгжрэл, хурцадмал байдлыг багасгахын тулд зургийн дагуу поз аваарай.
Энэ нь хэвлийн булчинг ачаалал өгч, дотоод эрхтнүүдийг хоргүйжүүлэх замаар өвдөлтийг намдаах үйлчилгээтэй. Бясалгал хийх үеийн зөв амьсгал нь бие махбодийн хөдөлгөөнийг зохицуулаг тул зүрхний өвдөлт, сарын тэмдгийн өвдөлтийг намдаахад тусалдаг.
Эх сурвалж: thelist
