Жижигхэн өрөөг хэрхэн том харагдуулахыг алдартай интерьер дизайнерууд зөвлөж байна. Танай гэрийн хамгийн жижиг зочны өрөө, унтлагын өрөөний будгийн өнгийг сонгох, жижигхэн угаалгын өрөөнд ямар өнгө тохиромжтой байдгийг мэдэж аваарай.
Тод шар
Sherwin-Williams дизайнер 98 метр квадрат гал тогооны өрөөнд цэнхэр, шар, цагаан өнгөний зохицлыг харуулжээ. Энэ нь жижиг зайг цэвэрхэн, цэлгэр харагдуулж байна. Та шар өнгө сонгохоос бүү айгаарай.
Цэнхэр
Нам тайван цэнхэр будагны өнгөөр намхан таазны налуу, өндрийг онцол. Бенжамин Мор дизанерийн энэ загвар нь унтлагын өрөөний таазыг шинэлэг болгосон байна.
Жижиг унтлагын өрөөнд
Нил ягаан нь роялтигийн өнгө гэдгийг та мэдэх үү? Жижигхэн унтлагын өрөөгөө бор өнгө, эсвэл нил ягаанаар будаарай. Эцсийн эцэст та хатан хаан шиг амьдрах ёстой (мөн унтах хэрэгтэй!).
Шар өнгийн тэсрэлт
Үүдний энэ хэсэг бол хүний нүдэнд хамгийн түрүүнд тусдаг. Мөн хүмүүс эд зүйлээ цааш нь хураахаас залхуурч энэ хэсэгт тавих нь элбэг байдаг. Үүдний өрөөндөө, гал тогоондоо шар өнгийг сонгох нь жижиг зайг гэрэлтүүлэх давуу талтай.
Хөх өнгө
Ихэнх дизайнерууд угаалгын өрөөнд энэ өнгийг сонгохыг зөвлөдөг. Учир нь хөх өнгө өрөөг агаартай, уужим харагдуулах төдийгүй угаалгын өрөөний цэвэр байдлыг харуулдаг.
Жижиг тоглоомын өрөөнд нарны туяаг нэмээрэй
Хүүхдийн өрөөг тод өнгөөр буд. Энэ нь хүүхдийн анхаарлыг татах төдийгүй тэдэнд хөгжилтэй, сэтгэл сэргээсэн байдлыг өгдөг.
Цэнхэр өнгийн сүүдэр
Холли Уильямс Кентакки мужийн Франклин хотод байрлах 1820-аад оны хуучин фермийг сэргээн засварлахаар шийдсэн үед тэрээр Бенжамин Морын хийсэн уг загвар тэсрэлт хийсэн. Та хуучны байшингаа засах гэж байгаа бол эндээс санаа авч болох юм.
Ягаан
Ягаан өнгө нь жижиг зайнд хамгийн тохиромжтой өнгийн нэг. Энэ өнгө аль ч өрөөнд их тохиромжтой байдаг.
Шар
Sherwin-Williams танд мөн шар өнгийг санал болгож байна. Энэ жилийн тренд бол шар өнгө. Гал тогоо, зочны өрөө, унтлагын өрөөндөө шар өнгийг сонговол тохиромжтой. Гэхдээ унтлагын өрөөнд цайвар шар, шаргал суурьтай өнгө хамгийн сайн тохирдог.
Тоор
Тоорын өнгө нь унтлагын өрөөнд дулааныг нэмж өгдөг. Мөн сэтгэл санаа, нүдэнд тусах байдлаараа зөөлөн өнгө юм.