No menu items!
HomeЗөвлөгөөСтресс хүүхдэд хэрхэн нөлөөлдөг вэ?

Стресс хүүхдэд хэрхэн нөлөөлдөг вэ?

-

Нялх, бага насны хүүхдүүд өөрсдийгөө хамгаалах чадваргүй бөгөөд стресс тэдэнд хамгийн их нөлөөлдөг. Гэр бүлийн доторх стрессийг хамгийн түрүүнд мэдэрч түүнийгээ ил гаргадаг гишүүн бол голдуу гэрийн хамгийн бага нь байдаг. Томчууд бухимдлаа нуухыг оролддог бол нярай болон бага насны хүүхдүүд стресстэй байгаагаа маш сонин шинж байдлаар хурдан илэрхийлдэг.

Ер нь гэр бүлийн болон хүүхэд асарч буй хүний стресс нялх хүүхдүүдэд нөлөөлдөг. Нялх бага хүүхдэд сэтгэл зүйн хөгжил нь бүрдэж гүйцээгүй учраас стресс бий болох нөхцөл нь орчин тойрон байдаг. Асарч буй хүний харилцаа нь дангаараа стресст нөлөөлөх хүчин зүйл болж болно.

Стресс үүсэх нөхцөл нь 1 талаас, хэдэн талаас урт богино хугацаагаар ямар ч байж болно. (Жишээ нь; сэтгэл санаагаар унасан аав хүүхдээ хайхрахгүй бөгөөд тэвчээргүйгээсээ болж ээжтэй нь хэрэлддэг. Энэ нь 2 талаас хүүхдэд нөлөөлдөг.) Стресс үүсэх нөхцөл хүүхдэд шууд ба (хүүхэд өвчилж эмнэлэгт хэвтэх) шууд бусаар нөлөөлнө.

Хүүхэд стресстэй болох нөхцөлд эх нь ажиллах, шинэ газарт нүүж очих, хулгайлагдах, сэтгэл санааг нь үл хайхрах, дүүтэй болох, эмнэлэгт хэвтэх, гэр бүлийн гишүүнд тохиолдсон биеийн болон сэтгэл зүйн өвчнүүд, ядуурал, байгалийн гай гамшиг, харгислалыг амсах, салалт, эцэг эх буюу хүүхдийг асарч буй хүн нас барах юм уу өөрчлөгдөх, бэлгийн замаар болон амаар доромжлуулахыг нэрлэж болно.

Эдгээр хүчин зүйлээс хүүхдээ хол байлгах хэрэгтэй. Иймэрхүү байдал ажиглагдвал яаралтай хугацаанд нь арга хэмжээ авахгүй бол хор нөлөө муу үр дагавар нь улам ихсэх болно. Хүүхэд бүрд стресс ижил хэмжээгээр нөлөөлдөггүй. Хүүхдийн өөрийн онцлог шинж чанар, дэмжлэг тусламж, орчин тойрны нөхцөл байдал нь нөлөөлдөг. Ялангуяа эмзэг хүүхдэд хүнд тусдаг ба хэрэгтэй арга хэмжээ авахаа хожимдуулж болохгүй.

Сэтгэл зүйн хямралын муу үр дагавар нь хүүхдэд нойрсох нь муудах, хар дарж зүүдлэх, түргэн ууртай болох, уйлах, цухалдуу болох, хоол идэх дургүй болох, хөдөлгөөн нь ихсэх буюу багасах, сэтгэл санаагаар унах, цэцэрлэгт явахыг хүсэхгүй байх, урдаас эсэргүүцэл үзүүлэх, зогсолтгүй их уйлах, хэтэрхий их түгшүүртэй болох, харилцаагаа тасалж дуугаа хураах, ганцаардлаас айх, хүмүүстэй харилцахыг хүсэхгүй байх, аав ээжээсээ холдохыг хүсэхгүй байх гэх мэтийн шинж тэмдгээр илэрч болно.

Г.Жаргал
Г.Жаргал
Zaag.mn сайтын редактор

шинэ мэдээ

ХОМ: Үндэсний эвслийн жагсаалтыг тэргүүлэгч Н.Номтойбаяр ₮1.5 тэрбумын барилга байгууламжтай

Нэр дэвшигчдийн хөрөнгө орлогын мэдүүлгийн хураангуйг АТГ-аас өнөөдөр танилцуулав. УИХ-ын 2024 оны ээлжит сонгуульд хоёр эвсэл байгаагийн нэг нь Үндэсний эвсэл юм. Тус эвслийн жагсаалтаар нэр...

ХОМ: Х.Баттулга 267 сая төгрөгийн орлоготой

УИХ-ын 2024 оны ээлжит сонгуульд нэр дэвшигчдийн хөрөнгө орлогын мэдүүлгийн хураангуйг АТГ-аас танилцуулав. Ерөнхийлөгч асан Х.Баттулга 2024 оны УИХ-ын сонгуулийн 4-р тойрогт нэр дэвшиж буй....

ХОМ: Ерөнхий сайд Л.Оюун-Эрдэнийн жилийн орлого 244 сая төгрөг

АТГ-аас УИХ-ын сонгуульд нэр дэвшигчдийн хөрөнгө орлогын мэдүүлгийг олон нийтэд нээллтэй тавьжээ. Монгол Улсын Ерөнхий сайд, МАН-ын дарга Л.Оюун-Эрдэнэ УИХ-д гурав дахь удаагаа нэр дэвшиж...

ХОМ: Хөрөнгийн хэмжээгээр эхний аравт бичигдэж буй нэр дэвшигчид

Хуулийн дагуу УИХ-ын сонгуульд нэр дэвшигчид хөрөнгө орлогоо АТГ-т мэдүүлдэг. Тус газраас УИХ-ын 2024 оны сонгуульд нэр дэвшигчдийн хөрөнгө орлогыг нийтэд ил болгожээ.Үүнээс хөрөнгийн хэмжээгээр...

трэнд