No menu items!
HomeУлс төрЛ.Лувсан: Land Cruiser 78 загварын 12 машиныг худалдаж авч, сумдын эрүүл мэндийн...

Л.Лувсан: Land Cruiser 78 загварын 12 машиныг худалдаж авч, сумдын эрүүл мэндийн төвд өглөө

-

Эрүүл мэндийн салбарын автомашины парк шинэчлэлийн талаар өнөөдөр мэдээлэл өглөө.

ЭМЯ-ны Санхүү, эдийн засгийн газрын дарга Л.Лувсан “ЭМЯ-наас эрүүл мэндийн салбарын байгууллагуудын автомашины парк шинэчлэлийн зардлыг улсын төсөвт тусгаж, үе шаттайгаар шийдвэрлэж байсан ч цар тахал, төрийн хэмнэлтийн бодлоготой уялдан сүүлийн гурван жилд улсын төсөвт хөрөнгө тусгагдаагүй.

Хөдөөгийн 325 сум, тосгоны 304 нь ОХУ-д үйлдвэрлэсэн УАЗ 469, Фургон загварын автомашин ашиглаж байна.  УАЗ загварын машин эмнэлгийн түргэн тусламжийн  стандартад нийцэхгүй болж, орчин үеийн тоноглолтой машинаар хангах зайлшгүй шаардлагатай болсон. Иймд Засгийн газраас алслагдсан сумдын эрүүл мэндийн төвд туулах чадвар сайтай 60 автомашиныг худалдаж авах хөрөнгийг нөөц сангаас гаргахаар шийдвэрлэсэн.

Мөн Дэлхийн банкны төслөөр 75 автомашиныг авахаар гэрээ байгуулаад байна.

ЭМЯ-наас эмнэлгийн машин худалдаж авах ажлыг зохион байгуулж байгаа ч манай улсын зах зээл дээр эмнэлгийн  зориулалтын шаардлага хангасан машины нөөц цөөн.

Өнөөдрийн байдлаар “Таван Богд Моторс” компанид бэлэн байгаа Land Cruiser 78 загварын 12 автомашиныг худалдаж авч өвөлжилт, хаваржилт хүндэрсэн 11 аймгийн 12 суманд олголоо. Үлдсэн машиныг энэ оны 4-5 сард хүлээн авч, сумдын эрүүл мэндийн төвд өгнө” хэмээн ярилаа.

“Сумдад хүний эмчийн хомсдол нэлээд бий. Тиймээс 351 резидент эмчийг орон нутагт хуваарилж, ажиллуулж байна.

ЭМЯ-наас шатахуун, сэлбэгийн зардлыг шийдвэрлэж, сумдын иргэдэд эрүүл мэндийн үйлчилгээг хүргэж байгаа.

Эрүүл Мэндийн Хөгжлийн Төвд цахим мэдээллийн төвийг шинээр байгуулж, дата мэдээллийн сан байгуулахаар Засгийн газрын өчигдрийн хуралдаанаас шийдвэрлэсэн болох”-ыг тэрбээр хэлэв.

Г.Жаргал
Г.Жаргал
Zaag.mn сайтын редактор

шинэ мэдээ

Ойрын өдрүүдэд ихэнх нутгаар салхитай, зарим газраар бороо, нойтон цас орно

Ойрын өдрүүдийн цаг агаарын урьдчилсан мэдээллийг хүргэж байна.  Цаг уурын байгууллагаас гаргасан мэдээгээр тавдугаар сарын 13, 14-нд Алтай, Хангайн уулархаг нутгаар, 15-нд Хангай, Хөвсгөл, Хэнтийн уулархаг нутгаар,...

“Зоос гоёл”-ын уулзвараас СУИС-ийн уулзвар хүртэлх замыг тавдугаар сарын 15-наас түр зааж, засварлана

Сүхбаатар дүүрэг болон Чингэлтэй дүүргийн нутаг дэвсгэр буюу "Зоос гоёл"-ын уулзвараас Соёл Урлагийн Их Сургууль(СУИС)-ийн уулзвар хүртэлх авто зам засвар, шинэчлэхээр болжээ.  Тодруулбал 2024 оны тавдугаар...

Өнөөдөр 14:00 цагт олон улсын хүүхдийн “Найрамдал” цогцолборын эхний ээлжийн захиалга нээгдэнэ

Олон улсын хүүхдийн "Найрамдал" цогцолбор 2024 оны хуваариа өмнө нь танилцуулсан.  Тус цогцолбор эхний ээлжийн хүүхдүүдээ зургаадугаар сарын 3-8-нд хүлээн авах юм. Үүнд 6-10 насныхан хамрагдах бөгөөд төлбөр...

Сэлэнгэ, Дорнод аймагт гарсан ой, хээрийн түймрийн бүрэн унтраалаа

Сэлэнгэ аймгийн Цагааннуур, Дорнод аймгийн Матад сумын нутагт өчигдөр гарсан ой, хээрийн түймрийн дуудлагаар тус аймгийн Онцгой байдлын газрын алба хаагчид үүрэг гүйцэтгэн, бүрэн унтраалаа. Дээрх...

трэнд