Хөдөлмөрийн үндэсний намын нийслэлийн иргэдийн төлөөлөгчдийн хурал дахь бүлгээс БНСУ-аас Монгол Улсад суугаа Элчин сайдын яаманд ногоон автобустай холбоотой асуудлыг шалгуулах хүсэлтийг хүргүүлэв.
НИТХ дахь ХҮН намын бүлгийн дарга Д.Гантулга “Автобуснуудыг худалдан авахдаа Монгол талаас тендерийн хуулийн дагуу явуулаагүй, нууцад оруулсан. Мөн оруулж ирсэн автобуснууд нь шаардлага хангахгүй байна.
Үүнтэй холбоотойгоор иргэдийн гомдол, шүүмжлэл их гарч байгаа. Олон нийтийн гомдлын дагуу хэргийг Тагнуулын Ерөнхий Газар, Авлигатай Тэмцэх Газарт шалгуулахаар өгсөн байна. Түүнчлэн Солонгосын Элчин сайдын яаманд хүсэлт хүргүүлж байна” гэлээ.
Хүсэлтийг Солонгосын Элчин сайдын яамны төлөөлөл хүлээн авсан байна.
