Монгол Улсын зарим иргэнийг БНСУ-ын хилээр нэвтрүүлэхгүй түр саатуулж, эх орон руу нь буцааж байгаа тухай мэдээлэл цахим орчинд тархаад байна.
Энэ талаар ЗГХЭГ-ын дарга Д.Амарбаясгалан “Ямар иргэдийг хил дээрээс буцаагаад байгааг тодруулахаар, тайлбар авахаар Гадаад харилцааны яам ажиллаж байгаа. Хилээрээ хэнийг нэвтрүүлэх үгүй нь тухайн улсын асуудал тул бид шууд оролцох боломжгүй.
Солонгос, Монгол хоёр орны Засгийн газар хоорондын яриа хэлэлцээр өндөр түвшинд үргэлжилж байгаа. Иргэн солилцоо буюу визийн асуудлыг улам бүр хөнгөвчлөх чиглэлд Засгийн газар санаачилга гарган ажиллаж байна.
Бидэнд ирсэн мэдээллээр сүүлийн 5-8 сард Солонгосын Элчин сайдын яамнаас олгосон визийн тоо өмнөх жилийнхтэй харьцуулахад 2-3 дахин нэмэгдсэн байна” хэмээн Засгийн гзарын хуралдаанаас гарсан шийдвэрийг танилцуулах үеэрээ хэлэв.
