Сургууль, цэцэрлэгийн нэг хүүхдэд ногдох хоолны мөнгөний зардлыг ирэх жил нэмэгдүүлэх тооцоолол хийж байгааг Сангийн сайд Б.Жавхлан өчигдөрийн УИХ-ын чуулганы нэгдсэн хуралдааны үеэр хэллээ.
Тэрбээр “Хүүхдийн хоолны мөнгөний тухайд энэ жил төсөвлөгдсөн хэмжээндээ санхүүжилт хийгдэнэ. Харин сургууль, цэцэрлэг бүрийн нэмэлт орлогыг бид нэгдсэн төсөвт төвлөрүүлэхгүй. Үүнийг хэрхэн захиран зарцуулах нь сургууль, цэцэрлэгийн захирал, эцэг, эхийн зөвлөлийн хамтын шийдвэр юм. Уг асуудлыг яаж шийдэх нь БШУ-ны сайдын шийдвэрээр явна.
Харин ирэх жил нэг хүүхдэд ногдох хоолны мөнгөний урсгал зардлыг нэмэгдүүлэх тооцооллыг хийж байгаа” хэмээв.
