Чихрийн шижинтэй хүмүүсийн хийвэл зохих хөл арчилгааны 9 алхмын талаар НЭМҮТ-өөс мэдээлэл өглөө. Мөн эрт илрүүлэгт хамрагдаж, чихрийн шижингийн хүндрэлээс сэргийлэхийг уриалж байна.
Хэрэв таны чихрийн шижингийн эрсдэлийн үнэлгээ:
- 5>Эрүүл амьдралын хэв маягаа хэвшүүлээрэй
- 5≤ Өрх, сумын эрүүл мэндийн төвдөө хандаж өлөн үеийн глюкозын түргэвчилсэн шинжилгээ өгнө үү.
Түүнчлэн, УГТЭ-ийн дотоод шүүрлийн эмч Ц.Энхцэцэг “Цусанд глюкоз тогтмол өндөр байснаас мэдрэлийн эсүүд гэмтэж, хөл даарах, гар, хөлийн үзүүрүүд нь бадайрах, хөрөх, хөлийн үзүүрүүд чимчигнэх, өвдөх, шархлах зэрэг шинжээр илэрнэ. Хөл бол бидний зүрхнээс цус очиж байгаа хамгийн зах хязгаарын эрхтэн. Тэнд очиж байгаа цусан хангамж муудаж, судаснууд нь нарийсаад ирэхээр очиж байгаа тэжээл нь хомсдоно.
Тэгэхээр ямар нэгэн гэмтэл авах, цохих, бариу гутал өмсөх, холголт үүсэх, шархаа өөрөө оролдох, хумс шигдэх зэргээс нянгийн халдвар болох учраас анхаарах хэрэгтэй. Үүнээс болоод хүмүүс хөлөө тайруулах хэмжээнд хүртэл хүндэрч болдог” гэдгийг хэлж байсан юм.