УИХ дахь МАН-ын бүлгээс өнөөдөр Төрийн ордонд хэвлэлийн хурал зохион байгуулж, гаргасан шийдвэрээ танилцуулсан.
Энэ үеэр УИХ дахь МАН-ын Бүлгийн дарга Д.Тогтохсүрэн “УИХ-ын гишүүн Ч.Ундрамтай холбоотой асуудлаар Сахилга хариуцлагын байнгын хороонд нэлээд иргэнээс өргөдөл, хүсэлт ирсэн юм байна лээ. Хуулийн дагуу Сахилга хариуцлагын байнгын хороо үүнийг ярих болов уу гэж бодож байна.
Бусад гишүүний тухайд нүүрсний, Хөгжлийн Банкны гээд эрүүгийн хэрэг үүссэн байгаа. Хууль хяналтын байгууллагаас ирүүлэх саналаар яригдаж, цааш явна. Одоогоор хууль, хяналтын байгууллагад шалгагдаж байгаа асуудлаар буруутай, буруугүй гэж авч үзэх ямар ч боломжгүй” хэмээн уг асуудлын талаар асуусан сэтгүүлийн асуултад хариулав.
Эргэн сануулбал, УИХ-ын гишүүн Ч.Ундрамын гэр бүлийн асуудал олон нийтийн сүлжээнд цацагдсан. Түүнийг нөхөр нь “Гэр бүлийн хүчирхийлэгч” хэмээн олон нийтийн сүлжээнд бичиж, хэд хэдэн бичлэг нийтэлсэн юм.
