Эрүүл мэндийн сайд С.Чинзориг нохойд хазуулсан хүнд вакцин андуурч хийсэн асуудлаар мэдээлэл хийж байна.
Тэрбээр “2020 оны 1 сарын 5-ны 13 цагийн байдлаар ЭМЯ-нд Сүхбаатар аймагт нохойнд хазуулсан 9 иргэнд галзуугийн вакцин хийх шаардлагатай гэх мэдээлэл ирсэн. Харин галзуугийн вакцины оронд сүрьеэгийн вакцин хийсэн ноцтой явдал болсон.
Гэтэл нэг хүнд хийх сүрьеэгийн вакциний доз хэмжээг хэтрүүлж хийсэн мэргэжлийн ноцтой алдаа гаргасан байна. Ингэхдээ нэг иргэнд хийх сүрьеэгийн вакцины дозыг 20-30 дахин нэмэгдүүлсэн хэмжээгээр хийсэн” гэв.
Мөн тэрбээр “Урьд шөнө энэ мэдээллийг аваад хэд хэдэн арга хэмжээ авч ажиллаж байна. Нэгдүгээрт, ЭМЯ-наас томилогдсон мэргэжлийн багийг Сүхбаатар аймаг ажилуулахаар явуулсан. Аймгийн Засаг даргатай утсаар холбогдсон. Мэргэжлийн алдаа гаргасан хүмүүст хариуцлага тооцох чиглэл өгсөн. Иргэдийн эрүүл мэндэд хохирол учруулахуйц үйлдэл гаргасанд Эрүүгийн хэрэг үүсгэж, шалгаж өгөх хүсэлтийг ЭЦА-нд бичгээр уламжилсан” гэдгийг хэллээ.
