ЭМДЕГ, Швейцарийн Новартис компанитай хамтран олон улсад хүлээн зөвшөөрөгдсөн зүрх судас, чихрийн шижин, уушгины эмгэг болон хавдрын үед хэрэглэх 19 төрлийн эмийг ЭМД-ын шимтгэлээ төлсөн хүн бүрд ЭМД-ын сангаас 100 хувь хөнгөлөлттэй үнээр олгож байна. Үүнд багтсан даралт бууруулах 7 төрлийн эм, Зүрхний хэм алдагдлын үед хэрэглэх эмийн жагсаалтыг уншигчддаа мэдээлсэн билээ.
Тэгвэл эдгээр эмийг хаанаас, хэрхэн авах талаар ЭМДЕГ-аас тодруулахад “Өрх, сум, тосгоны Эрүүл мэндийн төвийн хяналтын эмчээрээ “Новартис Аксес” хөтөлбөрийн хүрээнд бүртгэгдсэн эмийг бичүүлж МОНОС, АЗИ ФАРМ, МЭИК-ийн салбаруудаар 100% хөнгөлөлттэй үнээр авах боломжтой. Өөрөөр хэлбэл, ЭМД-аар өмнө нь хөнгөлөлттэй эмийг хэрхэн бичүүлж авдаг байсан тэр журмаар бичүүлнэ. Дараа нь, дээр дурдсан эмийн сангуудад очоод бичгээ үзүүлэхэд программд орчихсон байгаа тул шууд авах боломжтой” гэлээ.
Хэрэв та ЭМД төлөгч бол ЭМД-аар үнэгүй олгогдох даралт бууруулах 7 төрлийн эм, зүрхний хэм алдагдлын үед хэрэглэх эмийг авах бол өрх, сум, тосгоны Эрүүл мэндийн төвийн хяналтын эмчдээ хандаарай.
Даралт бууруулах 7 төрлийн эм
Зүрхний хэм алдагдлын үед хэрэглэх эм
