Томуу, Томуу төст өвчний үед илрэх шинж тэмдэг, хэрхэн урьдчилан сэргийлэх талаар “Анхлан бэби” эмнлэгийн зөвлөх эмч, АУ-ны магистр Д.Сарантуяа дараах зөвлөмжийг хүргэж байна.
Тэрээр “Ханиад томууны үүсгэгч нь голдуу вирус байдаг. Томуугийн вирусээр үүсгэгдвэл томуу, харин томуугийн биш аденовирус, энтервирус, ротавирус гэх мэт ханиадтай төстэй шинж үүсгэдэг вирусээр үүсгэгдсэн бол томуу төст өвчин гэнэ” гэв.
Томуугийн үед
- Нус гоожих
- Халуурах
- Ханиалгах
- Биеийн байдал сулрах
- Уйлагнах
- Хоолонд дургүй болох шинж тэмдэг давамгайлж байна.
Харин аденовирусын үед дээрх шинжүүдээс гадна нуухдаж эхэлдэг. Реновирусын үед нус их хэмжээгээр гарах нусгайрах, хамар битүүрэх шинж тэмдэг илэрнэ.
Хэрхэн урьдчилан сэргийлэх вэ?
Ханиад, томуунаас сэргийлэхийн тулд энгийн зүйлсийг л баримтлах хэрэгтэй.
- Гараа угаах халдвараас 80-90% хамгаална
- Тайван байх
- Массаж хийх
- Эрүүл аюулгүй орчин
- Дулаан хувцаслах
- Олон нийтийн газраар дагуулж явахгүй байх
- Маск зүүх
Өвчилсөн тохиолдолд яах вэ?
- Шингэн зүйл сайн өгнө. Халуун, бүлээн шингэн сайн уулгаснаар хүүхдийн бодисын солилцоо сайжирч, биед орсон хорт бодис, вирусүүд гадагшилна.
- Шинж тэмдгийн эмчилгээ хийнэ. Тухайлбал, хөнгөн зөөлөн читамон, антигриппин гэх мэт эмээр анхны эмчилгээг хийнэ.
- Гичтэй (горчиц) усанд хөлийг нь дүрнэ.
- Шим тэжээлтэй хоол өгнө. Эдгээр арга хэмжээг аваад гурав хоног ажиглах хэрэгтэй. Ингэснээр бид томуу, томуу төст өвчинг хүндрүүлэхгүй байх боломжтой.
